Mrutyudand Ke Tareeke Mein Gadbadi, Hrudayaaghaat Se Mara Kaidi

Breaking »

Mrutyudand Ke Tareeke Mein Gadbadi, Hrudayaaghaat Se Mara Kaidi

Maikaelestar: okalaahoma mein maut ki saja paae ek kaidi ko davaaon ke ek nae mishran ke jariye di ja rahi maut ki saja ko beech mein hi rok dena pada, kyonki un davaaon ka asar vaanchhit prabhaav se kuchh alag hone laga tha, lekin isi beech dil ka daura padne se kaidi ki maut ho gayi. Sudhaar vibhaag ke pramukh ne yeh jaankaari di. nideshak Robert paitan ne bataaya ki kaidi kletan lauket ki maut mangalvaar ko us samay hui jab use maut ki saja ki taameel ke liye teenon davaaen di gain. Paitan ne lauket ki yeh saja pehli dava ka asar shuroo hone ke 20 minute baad rukavaai thi. Paitan ne bataaya ki kaidi ki nasein fat gayi theen. kaidi ki saja sthaaneeya samayaanusaar shaam 6 bajkar 23 minute par shuroo hui. Adhikaariyon ko pehli dava ka prabhaav dikhne laga tha. Ek Doctor ne 6 bajkar 33 minute par kaidi ke achet hone ki ghoshana ki. haalaanki lagbhag teen minute baad kaidi ne tej saansein lena, chhatapataana, daant bheenchana aur apne sir ko takiye se uthaana shuroo kar diya tha. Teen minute baad Doctor ne kaidi par daali gayi chaadar hata di taaki teeke waali jagah ko dekha ja sake. paitan ne samvaadadaata sammelan mein kaidi lauket ki nasein fatne ke sandarbh mein kaha, us samay davaaen vaisa prabhaav naheen dikha rahi theen, jaisa ham chaahate the. Is vajah se kuchh chintaaen paida ho gayi theen. Iske baad death chamber mein maujood ek adhikaari ne parde kar diye taaki andar jhaank rahe log dekh na sakein ki ho kya raha hai. Paitan ne tab is saja ko rokane se pehle kuchh phone call kiye. paitan ne samvaadadaataaon ko bataaya, kaidi ke shareer mein jaane waali dava ki maatra par sanrakshak evam anya se charcha karne ke baad saja ko rokane ka faisala mera tha. Unhonne ek anya kaidi Charles vaarnar ki saja ko bhi 14 din ke liye sthagit kar diya. Vaarnar ko lauket ki saja ke do ghante baad kal hi maut ki saja di jaani thi. lauket ke vakeel David atri ne baad mein kaha, yeh dekhna behad mushkil tha. Unhonne shaamak aushadhi midaajolam ki maatra par bhi savaal uthaae aur kaha ki unke anusaar 100 mileegraam ki maatra sarkaar ke saja niyamon ke tahat 'Kaafi jyaada' hai.

Mrutyudand Ke Tareeke Mein Gadbadi, Hrudayaaghaat Se Mara Kaidi http://www.angrejinews.com/pic/49084