Motor Beema Premium Ke Liye 1 April Se Mahanga

Business »

Motor Beema Premium Ke Liye 1 April Se Mahanga

Nai Delhi: Badhti mudraasfeeti aur beema daava niptaan ke itihaas ko dekhte hue beema niyaamak irada ne 1 April se motor beema ka premium daron ko doguna tak badhaane ka prastaav kiya hai jiske kaaran ab iske premium mahanga hona tay hai. Beema niyaamak evam vikaas praadhikaar (irada) ke masaude ke anusaar thard party ke beema kavar ke shulk dopahiya vaahanon, yaatri kaaron aur vaanijyik vaahanon ke liye badhega. Ek hajaar CC ke kam kshamata ke engine waali kaaron ke liye 'Thard party' premium ko 85.30 pratishat badhaakar 1,453 rupaye prati varsh karne ka prastaav kiya gaya hai jabki 350 CC kshamata se adhik ke dopahiya vaahanon ka premium 108.14 pratishat badhaakar 1,415 rupaye prati varsh karne ka prastaav kiya gaya hai. Tiphiya vaahanon ko chhodkar 40,000 kigra se adhik bhaar vaale maal dhone vaale vaahanon ka premium 313.45 pratishat badhaakar 53,832 rupaye prati varsh karne ka prastaav kiya gaya hai. Isse poorv yah vruddhi March 2012 mein ki gayi thi jispar traansaportaron ke sangh ne irada aur general inshyors ke saath Calcutta uchch nyaayaalaya mein kaanooni ladaai ladi. Aath maheene ke kaanooni ladaai ke baad adaalat ne shulk vruddhi ke paksh mein apna faisala sunaaya.

Motor Beema Premium Ke Liye 1 April Se Mahanga http://www.angrejinews.com/pic/2074