Mohali Mein Series Par Kabja Jamaane Utarega Bhaarat

Cricket »

Mohali Mein Series Par Kabja Jamaane Utarega Bhaarat

Mohali: Pichhle donon maichon mein badi jeet se utsaahit Bhaarat Budhvaar ko England ke khilaaf hone vaale chauthe ekadivseeya antararaashtreeya cricket match mein hi paanch maichon ki shrunkhala apne naam karne ke liye maidaan par utarega. Doosari taraf kharaab pradarshan se pareshaan England vijayi laya mein lautane ke liye koi kasar naheen chhodega. Haal ke dinon mein lagaataar lachar pradarshan ke baad team ne lagaataar do badi jeet se khud ko saabit karne ki shuruaat kar rahi hai tatha kaptaan Mahendra Singh Dhoni ko ummeed hogi ki unke yuva khilaadi achha pradarshan jaari rakhakar lagaataar teesari jeet darj karke shrunkhala mein Ajay badhat haasil karne mein safal rahegi. Bhaarat ke yuva aur anubhavaheen geindabaajon ne pichhle do maichon mein achha pradarshan kiya aur jeet ki neenv rakhane mein unhonne aham bhoomika nibhaai. Iske alaava kharaab form mein chal rahe sheersh kram ke ballebaajon ne vaapasi ke sanket diye hain. Dabaav nishchitataur par England ki team par rahega, jinhein bhaarateeyon ko PCA stadium mein shrunkhala jeetne se rokane ke liye preranaadaayi pradarshan karna hoga. Donon teemon ke liye yeh match bahut mahatvapoorn hai aur isliye mukaabala romaanchak hone ki sambhaavana hai. Do badi jeeton ke bavajood kuchh vibhaag aise hain, jo bhaarateeyon ke liye chinta ka vishay hai. Inmein salaami jodi ko naheen chal paana bhi shaamil hai. Gautam gambhir ne haalaanki achhi shuruaat kar rahe hain, lekin vah ise badi paari mein badalne mein naakaam rahe hain. Doosare salaami ballebaaj ajinkya rahaane achhi touch mein naheen hain aur kam score par out hue hain. Iska parinaam yeh hua ki Bhaarat shrunkhala mein abhi tak achhi shuruaat haasil naheen kar paaya. Bhaarateeya team prabandhan sambhavat: Pichhle do maichon mein jeet darj karne waali team mein kisi tarah ka badlaav naheen karega. Ravindar jadeja ne pichhle do maichon mein balle aur geind se shaanadaar pradarshan kiya jisse antar paida hua. Bhaarateeyon ko team mein santulan paida karne ke liye adad all-rounder ki sakht jaroorat hai aur jadeja is sthaan ko achhi tarah se bhar raha hai. Saurashtra ke is yuva all-rounder ko haalaanki nirantar achha pradarshan karna hoga. Jadeja ki form se kaptaan Dhoni bhi khush hain, kyonki ekadivseeya maichon ke vartamaan niyamon Yuvraj Singh aur suresh raina jaise part-time geindabaajon se adhik over naheen karaae ja sakte hain. Dhoni ne kaha, vah (jadeja) nishchit taur par hamein santulan pradaan karta hai. Vah is lihaaj se jadeja hamaare paas sahi khilaadi hai. Ham geindabaaji all-rounder ke saath sangharsh kar rahe the. Hamaare paas Irfan (pathaan) hi akela aisa khilaadi tha. Unhonne kaha, nae niyamon se pehle ham Yuvraj Singh aur anya part-time geindabaajon se das over karavaate the. Nae niyam aane ke baad yuvi ko geindabaaj ke taur par unase saamanjasya bithaane mein thoda samay lagega. Viraat Kohli ki form mein vaapasi bhaarateeyon ke liye achhi khabar hai, kyonki haal ke tournamenton mein madhyakram ka lagaataar asafal raha bhaarateeyon par bhaari pada tha.

Mohali Mein Series Par Kabja Jamaane Utarega Bhaarat http://www.angrejinews.com/pic/395