Modi Ya Kejriwal Ne Kaha Hota, To Ham Unke Liye Bhi Shahanaai Bajaate Bismillaah Ka Parivaar

Breaking »

Modi Ya Kejriwal Ne Kaha Hota, To Ham Unke Liye Bhi Shahanaai Bajaate  Bismillaah Ka Parivaar

Bismillaah Khan ke pote aafaak haidar NDTV se baat karte hue Bismillaah Khan ke pote aafaak haidar NDTV se baat karte hue Varanasi: chunaavi mahaabhaarat ke antim charan ke prachaar ke aakhiri din Rahul Gandhi ke Varanasi pahunchane par bismillaah Khan ke parivaaravaalon ne shahanaai bajaai, lekin unhonne ek sur mein kaha ki iska matlab yeh naheen ki ve Congress ka prachaar kar rahe hain. NDTV ki group editor barakha datt se baatcheet mein bismillaah Khan ke pote aafaak haidar ne kaha ki agar Narendra Modi ya Arvind Kejriwal ne unase shahanaai vaadan ke liye kaha hota, to ve unke liye bhi jaroor parafaurm karte. Unhonne kaha ki shahanaai sabke liye hai aur hamaara sangeet bikaaoo naheen hai. gaurtalab hai ki Narendra Modi ne jab 24 April ko Varanasi Loksabha seat ke liye naamaankan daakhil kiya tha, tab bismillaah Khan ke parivaar ne unka prastaavak banane se inkaar kar diya tha. Rahul ne shanivaar ko Varanasi mein Congress pratyaashi Ajay rai ke liye rod sho kiya. Unke is shakti pradarshan mein bismillaah Khan ke beton ki shahanaai ki dhun aur 'Raghupati raaghav raajaaraam' ki goonj bhi sunaai di. Kaha ja raha hai ki Varanasi mein Rahul ka rod sho, amethi mein Modi ki rally ka javaab hai. daraasal, Modi ne kuchh din pehle amethi mein chunaavi sabha karke Rahul Gandhi ko kadi chunauti di thi. Maana ja raha hai ki isi vajah se Rahul ne bhi kaashi mein chunaav prachaar kiya. Haal hi mein faijaabaad mein Modi ki hui ek rally ke manch par Bhagwan Ram ki tasveer lagaai gayi thi, jis par kaafi vivaad hua tha. Aisi charcha hai ki Congress ne usi ki kaat mein Rahul ke rod-sho ke dauraan 'Raghupati raaghav raajaaraam' ki dhun ka sahaara liya. Iske liye baakaayada ek alag vaahan ka intajaam kiya gaya tha, jo Rahul ke vaahan ke peechhe-peechhe chal raha tha. rod sho mein Rahul Gandhi ke saath gulaam nabi aajaad va raaj babbar samet kai Congressi diggaj shaamil rahe. Is dauraan jagah-jagah Rahul par fool bhi barasaae gaye.

Modi Ya Kejriwal Ne Kaha Hota, To Ham Unke Liye Bhi Shahanaai Bajaate Bismillaah Ka Parivaar http://www.angrejinews.com/pic/50181