'Modi Sarkaar Pakistan Ko Karaara Javaab Dene Mein Vifal Rahi

Breaking »

'Modi Sarkaar Pakistan Ko Karaara Javaab Dene Mein Vifal Rahi

Jammu Jammu Kashmir Congress ne raajauri jile mein do sainikon aur sena ke ek porter (bhaaravaahak) ke shaheed hone par shanivaar ko dukh prakat kiya aur kaha ki pradhaanamantri Narendra Modi ki sarkaar Pakistan ko karaara javaab mein vifal rahi. Naushera sector mein shukravaar ko niyantran rekha par deshi bam dhamaake mein sena ka ek major aur ek javaan shaheed hua. Usi din sundarabani sector mein bina kisi ukasaave ke Pakistani sainikon dvaara ki gayi goleebaari mein sena ke ek porter ki maut ho gayi. Jammu Kashmir Congress ke adhyaksh Ravindra sharma ne niyantran rekha ke sameep laam sector ka daura karne ke baad ek bayaan mein kaha ki Pakistan niyantran rekha aur antararaashtreeya seema par lagaataar aisi harakatein kar raha hai jo gambhir chinta ki baat hai kyonki badi sankhya mein javaan shaheed ho rahe hain. Unhonne kaha, ''Pakistan ne haal ke varshon mein baar baar bait (border action team) aur sneepar hamle ka tareeka apnaaya hai vah gambhir hai. '' Ravindra sharma ne kaha ki seemaavarti kshetron ke logon mein Pakistan ki harkaton ko lekar bada gussa hai, lekin Modi ki aguvaai waali bhaajapa sarkaar Pakistan ko karaara javaab dene aur seema par uske dussaahas par ankush lagaane mein naakaam rahi hai. Sharma ne in hamlon mein maare gaye logon ke parivaaron ke prati shok prakat kiya. Bata dein ki, Jammu-Kashmir ke raajauri aur punchh jile mein Pakistan ki or se jaari sangharshaviraam ullanghan ke beech shukravaar ko goli lagne se sena ka saamaan dhone vaale ek karmi (porter) ki maut ho gayi thi, jiske javaab mein bhaarateeya sena ko bhi kaarravaai karni padi. Raksha janasanpark adhikaari lieutenant Colonel devendar aanand ne is baare mein jaankaari dete hue bataaya tha ki sena ka saamaan dhone wala karmi Hemraj raajauri jile ke sundarabaani sector mein Pakistani sena ki or se hui goleebaari mein gambhir roop se ghaayal ho gaya tha. Unhonne kaha ki use turant chikitsa madad upalabdh karaai gayi, lekin use naheen bachaaya ja saka. Adhikaari ne kaha ki sena shaheed porter ke parivaar ko har sambhav madad muhaiya karaaegi.

'Modi Sarkaar Pakistan Ko Karaara Javaab Dene Mein Vifal Rahi http://www.angrejinews.com/pic/247423