Modi PM Bane To Kareeb Aa Sakte Hain Bhaarat Aur Cheen Cheeni Dainik

Breaking »

Modi PM Bane To Kareeb Aa Sakte Hain Bhaarat Aur Cheen  Cheeni Dainik

Beijing: bhaajapa ke pradhaanamantri pad ke pratyaashi Narendra Modi ke satta mein aane se cheen aur Bhaarat najadeek aa sakte hain, lekin unki jeet se America aur pashchimi taakatein naaraaj ho sakti hain. Cheen ke ek pratishthit sarkaari dainik mein aaj chhape aalekh mein yeh baat kahi gayi hai. sattaaroodh cheen ki communist party ke aadhikaarik prakaashan 'Global times' mein chhape ek aalekh ke anusaar, 'Modi ek samay vyaavahaarik vyavasaayi the. Unhonne raajaneeti mein aane ke baad cheen ke saath achhe sambandh kaayam kiye hain. ' aalekh mein kaha gaya, 'Badi sankhya mein cheeni udyamiyon ne Gujarat mein nivesh kiya hai, jisse raajya ke aarthik vikaas mein yogadaan diya gaya. Lihaaja Modi ke netrutv mein cheen evam Bhaarat ke beech rishton mein najadeeki aa sakti hai. ' yeh aalekh sarkaar dvaara sanchaalit Shanghai antararaashtreeya adhyayan sansthaan ke saamarik vishleshak liyu jogayi ne likha hai. Ismein kaha gaya ki Modi ki jeet America jaise pashchimi deshon ke liye roochikr naheen hogi. America ne 2002 mein unki kathit bhoomika ko lekar Gujarat ke mukhyamantri par pratibandh laga diya tha. arunaachal pradesh mein prachaar ke dauraan seema mudde ko lekar Modi dvaara cheen ke khilaaf ki gayi tippani ka seedhe ullekh kiye bina aalekh mein kaha gaya ki pashchimi media ka ek varg aur paryavekshak unki tippani ko jaanaboojh kar tool de rahe hain, taaki cheen aur Bhaarat ke beech rishton mein khataas aa sake. Modi ne kaha tha ki cheen ko apni 'Vistaaravaadi neeti' tyaag deni chaahiye.

Modi PM Bane To Kareeb Aa Sakte Hain Bhaarat Aur Cheen Cheeni Dainik http://www.angrejinews.com/pic/49780