Modi Ne Soniya Ke 'Bhagwan Bachaaye Waali Tippani Ka Makhaul Udaaya

Breaking »

Modi Ne Soniya Ke 'Bhagwan Bachaaye Waali Tippani Ka Makhaul Udaaya

File photo File photo Sant kabeer nagar: bhaarateeya janta party (BJP) ke pradhaanamantri pad ke ummeedavaar Narendra Modi ne Congress adhyaksh soniya Gandhi ki 'Modi model se Bhagwan bachaaye' ki haal mein ki gayi tippani ka makhaul udaate hue aaj kaha ki 20-25 varshon se Bhagwan ka naam naheen lene waali soniya din mein baar-baar Bhagwan ka naam le rahi hain. Isse pata chalta hai ki vah kitni badi museebat mein hain. Modi ne sant kabeer nagar, basti aur gonda mein BJP pratyaashiyon ke samarthan mein aayojit janasabhaaon mein khaaskar soniya ki 'Bhagwan bachaaye' ki tippani ka havaala dete hue kaha ki Congress adhyaksh apni janasabhaaon mein baar-baar Bhagwan ko yaad kar rahi hain. Isse unki is chinta ka pata lagta hai ki 'Maan-bete' ki sarkaar jaane waali hai. unhonne kaha, 'Congress ke wicket ek-ek kar gir rahe hain. Mainne pichhle 20-25 varshon mein soniya ko kabhi Bhagwan ko yaad karte naheen suna. Aap khud samajh sakte hain ki vah kitni museebat mein hain. ' gaurtalab hai ki soniya ne gat 27 April ko Punjab ke baranaala mein aayojit ek chunaavi rally mein janta ko BJP ke vibhaajanakaari iraadon se hoshiyaar rahane ki salaah dete hue kaha tha ki Bhagwan desh ko Modi model se bachaae. Modi ne kaha ki desh ki janta Loksabha chunaav ke ab tak hue charanon mein desh mein majaboot sarkaar ka shilaanyaas kar chuki hai. Unhonne kaha, 'Main sochata rahata hoon ki rojagaar kaise dilaaen, kisaan ko kaise bachaaen, gundaagardi kaise rokein. . . Paani ki samasya samet tamaam muddon ka hal sochata rahata hoon, lekin vipakshi log sochate hain ki Modi ka hal kya hai. '

Modi Ne Soniya Ke 'Bhagwan Bachaaye Waali Tippani Ka Makhaul Udaaya http://www.angrejinews.com/pic/49360