Modi Ki Patni, Maan Ne Mataadhikaar Ka Upayog Kiya

Breaking »

Modi Ki Patni, Maan Ne Mataadhikaar Ka Upayog Kiya

Ahmedabad: bhaajapa ke pradhaanamantri pad ke ummeedavaar Narendra Modi vadodara ke baad ab Varanasi ke liye kamar kas rahe hain, vaheen unki patni jasodaaben aur maan heeraaba Modi ne aaj Mehsana aur Gandhinagar seat se apne mataadhikaar ka upayog kiya. school ki sevaanivrut shikshika jasodaaben ne Mehsana jile ke unjha shahar mein kot kuva kshetr mein vote daala. Modi ne vadodara seat se apna halafnaama daayar karte hue pehli baar jasodaaben ko apni patni sveekaar kiya tha. Vah do seaton se chunaav lad rahe hain. jasodaaben apne kuchh rishtedaaron sahit gaanv mein ek school mein vote dene pahunchi. Haalaanki unhonne media se koi baat naheen ki aur teji se nikal gayi. Modi ke vaivaahik sthiti par pratidvandvi dalon ki or se charcha karne par unke bhaai soma Modi ne aage aakar sthiti spasht ki thi. Modi ki maan hiraaba ne Gandhinagar mein sector 22 mein ek school mein vote daala. Vah auto riksha mein baithakar Gandhinagar kshetr mein vote daalne I.

Modi Ki Patni, Maan Ne Mataadhikaar Ka Upayog Kiya http://www.angrejinews.com/pic/49149