Modi Ki 'Harkaton Par Bolata Rahoonga Beni Prasaad Varma

Breaking »

Modi Ki 'Harkaton Par Bolata Rahoonga  Beni Prasaad Varma

Lucknow: chunaav aayog ki chetaavani ko darakinaar karte hue Congress ke varishth neta evam keindreeya mantri beni prasaad varma ne kaha ki chunaav aayog bhale unhein jail mein daal de, lekin vah BJP ke PM pad ke ummeedavaar Narendra Modi ki 'Galat harkaton' par bolte raheinge. apne chunaavi kshetr gonda mein guruvaar der shaam ek chunaavi janasabha ko sambodhit karte hue beni ne kaha, Modi par koi bayaan deta hoon, to media ki surkhiyaan ban jaati hain aur BJP vaale chunaav aayog mein shikaayat kar dete hain, jiske baad mujhe chunaav aayog notice bhej deta hai. beni ne kaha, chaahe chunaav aayog unhein notice bheje, barkhaast kar de, jail mein daal de, faansi ki saja de de, lekin vah Modi ki harkaton par bolte raheinge. beni ne kaha ki Modi raashtreeya svanyasevak sangh (RSS) ke behad khaas hain, jo taanaashaah hitlar ki taareef karta hai. Beni isse pehle Modi ko RSS ka gunda aur RSS ko mahaatma Gandhi ka hatyaara kah chuke hain. Modi par kathit anargal bayaanon ko lekar kai baar beni ko notice jaari kar chuke chunaav aayog ne unhein chetaavani dete hue kaha hai ki agar unhonne Modi ke khilaaf apamaanajanak bayaanbaaji band naheen ki, to un par prachaar ke liye pratibandh lagaaya ja sakta hai.

Modi Ki 'Harkaton Par Bolata Rahoonga Beni Prasaad Varma http://www.angrejinews.com/pic/49332