Modi Ke 'Neech Sambandhi Bayaan Ko Lekar Baraseen Maayaavati

Breaking »

Modi Ke 'Neech Sambandhi Bayaan Ko Lekar Baraseen Maayaavati

Lucknow: bahujan samaaj party (basapa) adhyaksh maayaavati ne Congress ki star prachaarak Priyanka Gandhi dvaara 'Neechataapoorn raajaneeti' sambandhi tippani par BJP ke pradhaanamantri pad ke pratyaashi Narendra Modi ke palatavaar ki ninda karte hue aaj kaha ki Modi is mudde ki aad mein ghinauni raajaneeti kar rahe hain. maayaavati ne der shaam samvaadadaataaon se baatcheet mein kaha ki Congress ne Modi par 'Neechi raajaneeti' karne ka aarop lagaaya. Modi is mudde ko aaj din bhar uttar pradesh mein apni sabhaaon mein bhunaate rahe. Modi is mudde ki aad mein ghinauni raajaneeti karte rahe. Basapa iski ninda karti hai. unhonne kaha 'Congress netaaon ko iska javaab turant hi de dena chaahiye tha, lekin sambhavat: Unhonne yeh sochakar iska javaab abhi tak naheen diya ki vah to uttar pradesh mein khatm ho hi rahe hain. Agar Modi hamaare is bayaan ki aad mein yahaan khaaskar basapa ko nuksaan pahunchaata hai to yeh bhi hamaare liye achha hi hoga. Yahi baat sochakar sapa bhi kuchh naheen bol rahi hai. ' khaas taur se daliton aur pichhadon ki raajaneeti karne waali maayaavati ne kaha ki vah Modi se kehna chaahati hain ki neechi raajaneeti karne ka matlab kisi jaati vishesh se naheen hota hai. Iska arth ghatiya kism ki raajaneeti karne se hota hai. Modi ne apne raajaneetik faayde ke liye isko jabaradasti neechi jaati se jodkar iski aad mein 'Pichhda card' khelne ki koshish ki hai. gaurtalab hai ki Priyanka ne kal apne pita Rajiv Gandhi par siyaasi hamla kiye jaane ke baad Modi ko javaab dete hue kaha tha ki vah 'Neechata ki raajaneeti' par utar aae hain. Is par Modi ne aaj pradesh mein apni janasabhaaon mein iski ninda karte hue kaha tha ki vah neech jaati mein jaroor paida hue hain lekin unki raajaneeti neech naheen hai.

Modi Ke 'Neech Sambandhi Bayaan Ko Lekar Baraseen Maayaavati http://www.angrejinews.com/pic/49770