Modi Ke Interview Ka Vivaad Prasaar Bhaarati Ke CEO Ne Likhi Chitthi, Adhik Svaayattata Ki Maang Ki

Breaking »

Modi Ke Interview Ka Vivaad  Prasaar Bhaarati Ke CEO Ne Likhi Chitthi, Adhik Svaayattata Ki Maang Ki

File photo File photo Nai Delhi: dooradarshan ko diye Narendra Modi ke interview ko lekar uthe vivaad ke baad prasaar bhaarati ne khud ko is vivaad se alag karte hue aaj kaha ki sab kuchh deedi news ki sampaadkeeya team par chhod diya gaya tha ki ve aage badhein aur prasaaran karein. Iske saath hi usane khud ko adhik svaayattata dene ki maang ki hai. prasaar bhaarati ke mukhya kaaryaadhikaari Jawahar sarkaar, jo ki dooradarshan ka prabandhan bhi sanbhaalate hain, ne prasaar bhaarati board ke sadasyon ko likhkar interview se jude haalaat ke baare mein soochit kiya. Unhonne soochana evam prasaaran mantri maneesh tivaari ki or bhi ishaara karte hue kaha ki 'Yuva mantri' ne saarvajanik prasaarak ko adhik svaayattata naheen di. dooradarshan prasaar bhaarati ke hi tahat aata hai aur prasaar bhaarati ne sveekaar kiya hai ki hastiyon par kuchh tippaniyaan saaf taur par sanpaadit ki gain. gaurtalab hai ki BJP ke PM candidate Narendra Modi ke interview ke prasaaran mein vilamb aur Priyanka Gandhi tatha Congress adhyaksh soniya Gandhi ke nikat sahayogi Ahmad Patel ke saath tathaakathit dosti se jude ansh sanpaadit kiye jaane ko lekar uthe vivaad ke baad yeh patra aaya hai. sarkaar ne kaha ki agar dooradarshan aur aakaashavaani ke mahaanideshakon ki niyukti ke sambandh mein niyam badalne aur baahari peshevaron ko laane ki prasaar bhaarati ki pahal safal hoti to is ek interview se logon ki is tarah ki aalochanaaen na jhelni padteen. interview rokane ke baare mein sarkaar ne kaha ki deedi news ne 27 April ki dopahar unhein bataaya ki team kaam kar rahi hai aur iska prasaaran jald hoga.

Modi Ke Interview Ka Vivaad Prasaar Bhaarati Ke CEO Ne Likhi Chitthi, Adhik Svaayattata Ki Maang Ki http://www.angrejinews.com/pic/49375