Modi Banaam Anya Kumaarasvaami Ke Manch Par 1996 Ke Baad BJP Ke Khilaaf Sabse Bada Jamaavada

Breaking »

Modi Banaam Anya Kumaarasvaami Ke Manch Par 1996 Ke Baad BJP Ke Khilaaf Sabse Bada Jamaavada

Beevi shivshankar aur anil gejji, Bengaluru Budhvaar ko jab Karnataka mein echadi kumaarasvaami ki sarkaar astitv mein I, to Agale saal Loksabha chunaav se pehle ek ainti BJP mahaagathabandhan ka vichaar majaboot hota najar aaya. Jedeees-Congress ki gathabandhan sarkaar ka jashn manaane ke liye lagbhag sabhi gair-BJP paartiyon ki is manch par maujoodagi se 2019 mein 'Modi banaam baaki' ke dilchasp mukaabale ki sambhaavnaaen jor pakad rahi hain. Keval Orissa ke CM naveen patanaayak aur telangaana ke CM ke chandrashekhar Rao (keseeaar) hi is shapath grahan samaaroh se door rahe. Haalaanki keseeaar ne mangalvaar ko hi echadi kumaarasvaami aur unke pita echadi devagauda se mulaakaat ki thi. Jyaadaatar gair-BJP paartiyon ke neta Karnataka ko bhagava party ke shaasan mein aane se rokane mein kaamayaab rahe is aayojan mein najar aae. Modi ko doosare kaaryakaal se rokane ki prabal ichha CM kumaarasvaami aur unke depyuti ji parameshvar ka bhavya vidhaanasabha ke laun mein shapath grahan ek aise mauke ka gavaah bana, jab alag-alag logon ka jhund ek manch par saath najar aaya. Unamein se jyaadaatar ke beech pradhaanamantri Narendra Modi ke doosare kaaryakaal ko rokane ke liye prabal ichha ki samaanata dikh rahi hai. Yeh jamaavada Kumbh ki tarj par dikha, jahaan alag-alag maton ke log shirkat karte hain. Antar sirf itna tha ki is bade manch par maujood neta kisi moksh ki aasha ke bajaae spasht raajaneetik ganana se prerit dikhe. 1996 ke baad ainti BJP dalon ka yeh sabse bada jamaavada tha, jab Loksabha mein sabse bada gair-BJP gathajod bana tha. Yeh bhi padhein: Karnataka: Kumaarasvaami CM aur parameshvar bane depyuti CM Karnataka mein BJP bahumat ke kareeb aakar atak gayi lekin uske pradarshan ne Congress, jedi (S) aur doosare virodhiyon ko ekajut hone ka mauka de diya. Vidhaanasabha chunaav mein BJP ke pradarshan se ek baar fir saaf ho gaya ki Modi lahar abhi majaboot hai aur amit shaah ne BJP ko ek chunaavi machine mein tabdeel kar diya hai, jo un jagahon par bhi behtar kar sakti hai, jahaan haalaat vipreet hain. BJP ko rokane ke liye bechain Congress turant kumaarasvaami ke samarthan ke liye aage aa gayi aur pashchim Bengal ki CM mamata Bannerjee ne apne dhur virodhi CPM ke mahaasachiv seetaaraam yechuri aur Kerala ke mukhyamantri pi vijyan ke saath manch share kiya. Nateeje aate hi Sonia ka devagauda ko phone UPA ki adhyaksh Sonia Gandhi ne vipakshi dalon ki ekta ke liye aham bhoomika nibhaai. Bhagava ubhaar ko rokane ki aisi hi kuchh chunauti 2004 mein bhi Sonia ke saamane thi. Chunaav parinaam aate hi poorv Congress adhyaksh ne jedeees ke apne puraane saathi aur poorv PM echadi devagauda ko phone karne mein jara bhi deri naheen lagaai. Congress ne devagauda ke bete kumaarasvaami ko khula ofar de diya. Sonia ne manch par laaloo Yadav ke bete aur unke uttaraadhikaari maane ja rahe tejasvi Yadav samet anya netaaon se aatmeeyata ke saath mileen. Lekin maayaavati ke saath unki mulaakaat ne jyaada dhyaan kheencha. Is dauraan BSP supreemo ne bhi unase garmajoshi dikhaai. Yeh bhi padhein: Karnataka ke CM aur depyuti CM ke baare mein jaaniye sab kuchh Shapathagrahan ke baad ki tasveeron mein Sonia daliton ki jhandaabaradaar ko khaas tavajjo deti dikheen. Unhonne raashtreeya lokadal (aaraeladi) ke neta ajit Singh ko kinaare karte hue maayaavati ko raasta dene ko kaha. Manch par vipakshi ekta ko pradarshit karne ke liye maayaavati ka haath apne haath mein lene ke saath hi unhonne sharad Pawar se bhi yahi karne ko kaha. Gandhi parivaar se mamata ki doori Sonia ke mukaabale Rahul Gandhi halke najar aae. Shaayad iski vajah Karnataka mein party ki haar thi ya fir diggaj netaaon ke beech vah asahaj mahasoos kar rahe the. Jabki Akhilesh Yadav aur maayaavati sahaj dikh rahe the, vaheen ajit Singh ke saath UP ke donon kshatrapon ki maujoodagi se BJP ke liye kairaana Loksabha upachunaav ki chunauti bankar saamane aa sakti hai. Yeh bhi padhein: Shapath ke baad kumaarasvaami- 2019 mein hoga bada badlaav Vipaksh ke is sauhaard ke beech Gandhi parivaar se pashchim Bengal ki CM mamata Bannerjee ki doori ko mahaj ek sanyog naheen maana ja sakta. Telangaana ke CM keseeaar ke saath mamata BJP aur Congress ke khilaaf teesare frant ki vakaalat karti rahi hain. 2019 mein aakaar lega ainti BJP mahaagathabandhan? Budhvaar ko dikhi vipakshi ekta ko Bihar ke 2015 vidhaanasabha chunaavon mein aajmaae gaye mahaagathabandhan ke agale charan ke taur par dekha ja raha hai. 2017 ke UP vidhaanasabha chunaav mein SP aur BSP alag-alag lade the. Vaheen Gorakhpur aur foolapur Loksabha upachunaavon mein donon paartiyon ke saath aane se BJP ko mili maat ne 2019 mein ainti BJP mahaagathabandhan ki ummeedon ko bal diya hai. Haalaanki in sabhi ke saath aakar BJP ke khilaaf khade hone mein kuchh vyaavahaarik dikkatein bhi hain. Apni mahatvaakaankshaaen aur ek-doosare se matabhedon se paar paana in dalon ke liye badi chunauti hai. Saath hi yeh paartiyaan ek-doosare ko apne vote kitna transfer kara paati hain door ki kaudi hai. Haalaanki Bengaluru mein vipaksh ka yeh jamaavada is baat ke sanket jaroor de raha hai ki BJP ke liye 2019 ka safar itna bhi aasaan naheen hone wala hai. Is khabar ko angreji mein yahaan padhein.

Modi Banaam Anya Kumaarasvaami Ke Manch Par 1996 Ke Baad BJP Ke Khilaaf Sabse Bada Jamaavada http://www.angrejinews.com/pic/206460