Model Se Balaatkaar Karne Ke Aarop Mein Bollywood Abhineta Indar Kumar Saraaf Giraftaar

Breaking »

Model Se Balaatkaar Karne Ke Aarop Mein Bollywood Abhineta Indar Kumar Saraaf Giraftaar

File photo File photo Mumbai: filmon mein kaam dilaane ka jhaansa dekar 23 varsheeya ek model se balaatkaar karne aur us par hamla karne ke aarop mein Bollywood abhineta indar Kumar saraaf ko aaj giraftaar kiya gaya hai. police mein darj shikaayat ke mutaabik, saraaf ne guruvaar shaam peedita ko Mumbai mein andheri sthit apne ghar mein bulaaya tha, jahaan usane model ke sir par beer ke ek botal se vaar kiya. Peedita ka yeh bhi aarop hai ki indar Kumar ne usaka yaun utpeedn kiya, jisne use Bollywood filmon mein mukhya bhoomikaaen dilaane ka vaada kiya tha. police ne bataaya ki Kumar aur unki patni pallavi ke beech guruvaar shaam apne ghar mein teekhi bahas hui thi. Iske baad pallavi varsova police thaana gain, jahaan usane apne pati par kisi anya mahila ke saath prem sambandh hone ka aarop lagaaya. Unhonne bataaya ki indar Kumar bhi police thaana pahunche aur apni patni ke saath maamale ko sulajha liya aur ghar laut gaye. police thaana ke varishth nireekshak harishchandr paaramale ne bataaya, 'Iske baad peedita ko cheejein spasht karne ke liye abhineta ke aavaas mein bulaaya gaya. Lekin, sthiti kaaboo se baahar ho gayi aur aaropi ne peedita par beer ke ek botal se vaar kar diya. ' peedita dvaara shikaayat darj karaae jaane ke baad abhineta ke khilaaf IPC ki vibhinn dhaaraaon ke tahat ek maamala darj kiya gaya hai. gaurtalab hai ki indar Kumar ne wanted, maan tujhe salaam, khilaadiyon ka khilaadi, baagi aur maasoom jaisi filmon mein kaam kiya hai.

Model Se Balaatkaar Karne Ke Aarop Mein Bollywood Abhineta Indar Kumar Saraaf Giraftaar http://www.angrejinews.com/pic/48615