Mobile Se Bhare Truck Ko Highway Par Roka, Ek Karod Ka Maal Le Chanpat Hue Lutere

Breaking »

Mobile Se Bhare Truck Ko Highway Par Roka, Ek Karod Ka Maal Le Chanpat Hue Lutere

Vijyavaada Andhra pradesh ke nellor jile mein mobile phone se bhare ek truck ko luteron ne nishaana bana liya. Agyaat badmaashon ne highway par truck driver ko peeta aur maal lekar chanpat ho gaye. Truck mein bhare mobile phone ki keemat ek karod rupaye thi. Police ne ghatna ki jaankaari dete hue bataaya, 'Mobile se bhara truck nellor ke shri city se Kolkata ki taraf ja raha tha. Bhor ke vakt yeh ghatna us samay hui jab driver ne aaraam karne ke liye truck ko highway kinaare roka tha. Usi vakt 4 ki sankhya mein aae badmaashon ne driver ko peetane ke baad use ped se baandh diya. ' Police ne bataaya, 'Yeh ghatna jile ke dagaadaarthi gaanv ke paas highway par hui. Truck mein Xiaomi company ke mobile phone the, jinki keemat ek karod rupae ki thi. Luteron ne baad mein gaadi ko govaraavaram gaanv ke paas roka aur kisi doosare truck mein sabhi mobile phone ko transfer kar diya aur nikal gaye. Subah hone par jab logon ne truck driver ko ped se bandhe dekha tab police ko soochana di. ' Ghatna ki jaankaari milne par aikshan mein I police luteron ki suraag mein lagi hui hai. Police ka maanana hai ki is loot ko poori planning ke saath anjaam diya gaya hai aur ismein company ke hi kisi andar ke aadmi ka haath hone ki sambhaavana se bhi inkaar naheen kiya ja sakta hai. Police ne bataaya ki truck mein rakhe sabhi mobail phone ki keemat 6 hajaar se 14 hajaar ke beech mein thi. Is maamale mein dakaiti ka case darj kar jaanch shuroo kar di gayi hai.

Mobile Se Bhare Truck Ko Highway Par Roka, Ek Karod Ka Maal Le Chanpat Hue Lutere http://www.angrejinews.com/pic/254704