Mission 2019 Pichhadon Par Najar, UP Ki Sabhi Vidhaanasabha Seaton Ka Daura Kareinge Akhilesh

Breaking »

Mission 2019 Pichhadon Par Najar, UP Ki Sabhi Vidhaanasabha Seaton Ka Daura Kareinge Akhilesh

Shaadaab rijvi, merathamishn 2019 ki taiyaariyon mein avval chal rahi BJP ko takkar dene ke liye samaajavaadi party ke raashtreeya adhyaksh aur UP ke poorv CM Akhilesh Yadav maidaan mein utarane ki taiyaari kar rahe hain. Party ka plaan hai ki aagaami 15 December ke baad poore pradesh ki 403 vidhaanasabha seaton mein dastak dene ke liye Akhilesh UP ko mathane nikleinge. Is muhim mein unka poora focus pichhadon ko jodne par rahega. Abhiyaan ko poora karaane ke liye party ne har jile se pichhde varg ke pramukh logon ke naam aur mobile number aath December tak maange hain. Is dauraan Akhilesh pichhadon se seedha samvaad kareinge, goshthi aur nukkad sabha mein shaamil honge. Paanch raajyon ke vidhaanasabha chunaav prachaar Budhvaar ko samaapt hone ke baad samaajavaadi party ab UP mein 2019 Loksabha chunaav mein fatah haasil karne ke liye poori taakat lagaane ki rananeeti bana rahi hai. Iske tahat Akhilesh Yadav pradesh ki sabhi vidhaanasabha seaton ka daura kareinge. Party ke pradeshaadhyaksh naresh uttam Patel ke mutaabik, 15 December ke baad vidhaanasabha kshetravaar saamaajik nyaaya aur pichhde varg ke netaaon se janasanpark ke liye 10 se 15 din ka UP bhraman ka progaam rahega. Pradesh ke 403 vidhaanasabha kshetron ko is avadhi mein kavar karne ki koshish ki jaaegi. Plaan ke baare mein party ke pradesh sachiv dinesh gurjar ne bataaya ki is bhraman ko pichhde varg ke neta aur padaadhikaari poora karaaenge. Har vidhaanasabha kshetr mein pichhde varg ki jis jaati ka baahulya hoga uske kam se kam 15 pramukh netaaon ke naam aur number party ne patra jaari kar maange hain. Party ka poori focus pichhadon ko jodne ka hai. Pradeshaadhyaksh ki taraf se kaha gaya hai ki pichhadon mein jaat, gurjar, prajaapati, lodhi, nishaad, kashyap, vind, paal, vishvakarma, maurya, raajabhar, chauhaan, kurmi par khaas dhyaan dena hai. SP neta ne kaha ki in samaaj ke asaradaar logon aur party padaadhikaariyon ke naam aur number imel ya vautsaaip par har haal mein aath December tak maange gaye hain. Gaurtalab hai ki vest UP mein jaat, gurjar, prajaapati, lodhi, kashyap, paal kaafi taadaad mein rahate hain. Inko saadhakar janaadhaar badhaane ki SP ki koshish rahegi. Siyaasi jaankaaron ka maanana hai ki muslim bahul vest UP mein pichhadon ke judne se party ko majabooti milna tay hai. Party ki taraf se jaari prapatr mein jile aur vidhaanasabha kshetr ka naam, vidhaanasabha kshetr adhyaksh, vidhaayak, poorv vidhaayak ya poorv pratyaashi, pichhde varg ke netaaon ka naam, number aur jaati maangi gayi hai, taaki Akhilesh Yadav seedhe unase baat kar sakein ya jis ilaake mein jaaen, vahaan un logon ke baare mein sahi jaankaari haasil kar unako sammaan de sakein. Samaajavaadi party ke Meerut jilaadhyaksh chaudhari raajapaal Singh ne bataaya ki raashtreeya adhyaksh ka UP bhraman ka teen December ko jaari patra paanch December ko mila hai. Daure ki taiyaari shuroo kar di gayi hai. Vest UP mein abhiyaan aitihaasik hoga.

Mission 2019 Pichhadon Par Najar, UP Ki Sabhi Vidhaanasabha Seaton Ka Daura Kareinge Akhilesh http://www.angrejinews.com/pic/239659