Mission 2019 Ab UP Ki Jameen Sambhaalne Ke Liye Juteinge Shaah, Ye Hogi Taiyaari

Breaking »

Mission 2019 Ab UP Ki Jameen Sambhaalne Ke Liye Juteinge Shaah, Ye Hogi Taiyaari

Lucknow Karnataka ke khatthe-meethe anubhavon se aage badh ab BJP ke raashtreeya adhyaksh amit shaah mission UP par juteinge. 2019 Loksabha chunaav mein jeet ki sambhaavnaaon ko majaboot karne ke liye UP ka kila sanbhaalana BJP ke liye sabse jaroori hai. Aise mein shaah agale maheene se khud UP mein baithakon aur abhiyaanon ke silsile ki aguaai kareinge. BJP sootron se mili jaankaari ke mutaabik 2019 ko lekar ab shaah ka poora focus UP par hai. Bata dein ki Karnataka chunaav ke pehle amit shaah Lucknow do baar aae the. Is dauraan mission-2019 ki rananeeti ka praarambhik khaaka banaane ki jimmedaari vah pradesh sangathan ko de gaye the. Ab kavaayad usako amaleejaama pahanaane ki hai. Is kadi mein agale maheene amit shaah ka UP daura prastaavit hai. Party sootron ki maanein to amit shaah agale maheene se kshetravaar booth sammelan kareinge. Vidhaanasabha chunaav ke samay bhi iska safal prayog ho chuka hai. Party ke sangathanaatmak drushti se chhah kshetr hain. Sabhi kshetron mein booth leval kaaryakartaaon se khud mukhaatib hokar shaah unako fir aiktiv mod mein laaenge. Doosari or pradhaanamantri Narendra Modi ke kaaryakramon ka silsila bhi isi maheene shuroo hona hai. Vipaksh ka manobal ko todne ki chunauti 2014 mein apni-apni taakat ko lekar SP-BSP ko galatafahamiyaan theen. Kamobesh yahi sthiti 2017 mein bhi rahi. Iske chalte sab alag-alag lade aur BJP ke aage vipaksh bikhr gaya. Par, haaliya chunaavon mein vipaksh isse sabak leta dikh raha hai. Gorakhpur aur foolapur upachunaav mein SP-BSP 'Ekta' ka safal prayog kar chuke hain. Kanaartak mein bhi rananeetik taur par vipakshi ekta ne BJP ko jhatka diya hai. Aise mein amit shaah ke saamane UP mein ek badi chunauti vipaksh ke majaboot ho rahe manobal ko todne ki bhi hai. Khaaskar tab jab party khud apanon ke nishaane par hai. Kai saansad khuleaam party line ke khilaaf mukhar hain aur sahayogi dalon ke bhi sur baagi hai. Isliye shaah ki najar ek baar fir jameen par sangathan ko pukhta karne ki hai, jisse virodh ke oopari thapedon ko jameen par aasaani se jhela ja sake. Sarkaar-sangathan tay kareinge upalabdhiyon ka hisaab-kitaab Modi sarkaar ke 26 May ko chaar saal poore ho rahe hain. Chunaavi saal mein pravesh karne ke saath hi bhaajapa ki najar in chaar varshon ki 'Safalatam varshon' ke roop mein brainding karne par bhi hai. UP mein iski rananeeti ki disha tay karne ke liye somvaar ko sarkaar aur sangathan saath baitheinge. Mukhyamantri yogi aadityanaath, upamukhyamantri keshav prasaad maurya aur dinesh sharma, pradesh adhyaksh Mahendra naath paandeya aur sangathan mahaamantri suneel bansal saath baithakar iska khaaka kheencheinge. Baithak ke chaar aham ajeinde Modi sarkaar ke chaar saal ka prachaar, kairaana-noorapur upachunaav, Modi ke UP mein sambhaavit daure aur agale maheene se shuroo hone vaale gram Swaraj abhiyaan ka doosra charan. Modi sarkaar ke chaar varshon ke kaam-kaaj ko janta tak pahunchaane ke liye sarkaar aur sangathan donon hi saath juteinge. Vaheen, pehle charan mein pichhde gaanvon tak hi seemit gram Swaraj abhiyaan ko ab har sector tak le jaane ki taiyaari hai. Iske daayare mein kareeb 14 hajaar gaanv aaenge. Ismein amit shaah sahit doosare raashtreeya padaadhikaari bhi shirkat kareinge. Baithak mein iski rooparekha par bhi charcha hogi. Haalaanki, ajeinde ke in aham binduon ke beech sarkaar-sangathan donon ki sabse badi chinta kairaana Loksabha aur noorapur vidhaanasabha upachunaav hai. Khaas baat yeh hai ki iske nateeje 31 May ko aaenge, jab BJP Modi sarkaar ki chaar saal ki upalabdhiyon ka jashn mana rahi hogi. Isliye nateejon ka rukh bhi siyaasi galiyaare mein 'Pramaanapatr' ke taur par istemaal kiya jaaega.

Mission 2019 Ab UP Ki Jameen Sambhaalne Ke Liye Juteinge Shaah, Ye Hogi Taiyaari http://www.angrejinews.com/pic/205998