Misr Mein Bradarahud Pramukh Sahit 683 Logon Ko Maut Ki Saja

Breaking »

Misr Mein Bradarahud Pramukh Sahit 683 Logon Ko Maut Ki Saja

Photo kredit: Rauyatars Photo kredit: Rauyatars Kaahira: misr ki ek adaalat ne aaj yahaan muslim bradarahud ke pramukh mohammad baadei aur unke 682 samarthakon ko maut ki saja sunaai hai. Pichhle saal islaami raashtrapati mohammad mursi ko apadasth kiye jaane ke baad se asthirta ki chapet mein aae desh mein is taaja faisale se tanaav paida ho sakta hai. maut ki saja paae logon par minya praant mein 14 August ko policekarmiyon par hamlon ke prayaason aur unki hatya mein shaamil rahane ke aarop the. 14 August ko police ne kaahira mein sangharsh ke dauraan apadasth raashtrapati mursi ke sainkadon samarthakon ko maar daala tha. aaj jin 683 logon ko maut ki saja sunaayi gayi hai unamein kareeb 50 hiraasat mein hain, jabki baaki ya to jamaanat par riha hain ya faraar. adaalat parisar ke baahar aaropiyon ki kai mahila parijan maut ki saja sunaae jaane ki khabar milne par behosh ho gain. ek anya maamale mein, isi adaalat ne pichhle maah 529 logon ko sunaayi gayi maut ki saja mein se 492 ki maut ki saja ko palat diya. Inmein se adhiktar ki maut ki saja ko adaalat ne badalkar aajeevan kaaraavaas mein tabdeel kar diya. safed daadhi vaale professor 70 varsheeya mohammad baadei varsh 2010 mein bradarahud ke sheersh maargadarshak ban gaye the. Unhonne misr ki sena dvaara raashtrapati morsi ko hataae jaane ki ninda ki thi. morsi bradarahud se taalluk rakhate hain, jo ek islaami sangathan hai jisne varsh 2011 mein sainya taanaashaah husni mubaarak ke patan ke baad se misr mein sabhi chunaavon mein bhaari jeet haasil ki hai. Mursi ka kaaryakaal raajaneetik anishchittaaon tatha hinsa se bhara raha jiske chalte shaktishaali sena ne unhein apadasth kar diya. varsh 2011 ki misr ki kraanti ke dauraan mubaarak ko apadasth kiye jaane ke baad se misr raajaneetik sankat mein ghira hua hai.

Misr Mein Bradarahud Pramukh Sahit 683 Logon Ko Maut Ki Saja http://www.angrejinews.com/pic/48897