Midcap, Smallcap Sheyaron Mein Sensex Se Adhik Teji

Business »

Midcap, Smallcap Sheyaron Mein Sensex Se Adhik Teji

Mumbai: Desh ke share baajaaron ke pramukh soochakaankon mein gat saptaah dedh feesadi se adhik teji darj ki gayi, lekin BSE ke midcap aur smallcap soochakaankon mein is avadhi mein teen feesadi se adhik teji rahi. Mumbai stock exchange (BSE) ka 30 sheyaron par aadhaarit samvedi soochakaank Sensex gat saptaah 1.74 feesadi ya 339.24 ankon ki teji ke saath shukravaar ko 19,784.08 par band hua. Isi avadhi mein national stock exchange (NSE) ka 50 sheyaron par aadhaarit samvedi soochakaank Nifty 1.82 feesadi ya 107.8 ankon ki teji ke saath 6,016.15 par band hua. Aalochya avadhi mein BSE ke midcap aur smallcap soochakaankon mein teen feesadi se adhik teji rahi. Midcap 3.12 feesadi ya 221.18 ankon ki teji ke saath 7,314.12 par aur smallcap soochakaank 3.72 feesadi ya 273.40 ankon ki teji ke saath 7,615.60 par band hua. Gat saptaah Sensex ke 30 mein se 26 sheyaron mein teji rahi. ONGC (7.11 feesadi), bhel (6.57 feesadi), Gale (5.40 feesadi), SBI (4.50 feesadi) aur ICICI bank (3.50 feesadi) mein sarvaadhik teji rahi. Chaar sheyaron ITC (2.33 feesadi), hero Motocorp (0.48 feesadi), san pharma (0.48 feesadi) aur Cipla (0.10 feesadi) mein giraavat rahi. Aalochya avadhi mein BSE ke 13 mein se 12 sectoron mein teji rahi. Realty (5.19 feesadi), saarvajanik companiyaan (4.20 feesadi), tel evam gas (4.06 feesadi), upabhokta tikaaoo vastu (3.48 feesadi) aur bijli (2.57 feesadi) mein sarvaadhik teji rahi. BSE ke sirf ek sector tej khapat waali upabhokta vastu (0.81 feesadi) mein giraavat rahi. Gat saptaah ke pramukh aarthik ghatnaakramon mein somvaar ko Kingfisher airlines ke uddayan license ki vaidhata avadhi somvaar ko khatm ho gayi. Naagrik uddayan mahaanideshaalaya ne company se yeh jaankaari maangi thi ki udaanon ka sanchaalan fir se shuroo karne ki yojana ke liye dhan ki vyavastha kaise hogi, jise samay seema ke andar company de paane mein naakaam rahi. License ke niyamit naveeneekaran ki aakhiri tithi 31 December thi. Somvaar ko hi paryatan mantraalaya ne kaha ki desh mein aane vaale videshi paryatakon ki sankhya 2012 mein November maheene tak pichhle saal ki samaan avadhi ke mukaabale lagbhag chhah feesadi adhik rahi. Aalochya avadhi mein desh mein 58.99 lakh videshi paryatakon ka aagaman hua, jabki pichhle saal ki samaan avadhi mein desh mein 55.72 lakh videshi paryatakon ka aagaman hua tha. Somvaar ko hi jaari ek aankade ke mutaabik bhaarateeya share baajaar 2012 mein duniya mein sarvottam pradarshan karne vaale share baajaaron mein teesare sthaan par rahe. Is varsh videshi sansthaagat niveshakon ne share baajaaron mein 24 arab dollar ka nivesh kiya. Share baajaaron ka ek pramukh soochakaank Sensex ek saal pehle ke star se 25 feesadi oopar ja pahuncha. 50 sheyaron vaale Thailand set soochakaank aur 30 sheyaron vaale Germany ke daausher ekteen soochakaank ke baad Mumbai stock exchange (BSE) ke 30 sheyaron vaale soochakaank Sensex ka pradarshan teesare sthaan par raha. Saal ke aakhiri din somvaar ko Sensex 19,426.71 par band hua, jo 2011 ke aakhiri kaarobaari satr ke band star 15,454.92 se 25.70 feesadi ya 3,971.79 ank oopar hai. Aalochya varsh mein Sensex mein teji mein rahane vaale sheyaron mein tata motor (75 feesadi), ICICI bank (66 feesadi), Maruti Suzuki (63 feesadi) aur L (61 feesadi) mein sarvaadhik teji rahi. Sensex mein sarvaadhik giraavat vaale sheyaron mein rahe Infosys (16.5 feesadi), Gale India (8 feesadi), bhaarati Airtel (7 feesadi) aur bhel (4.5 feesadi). National stock exchange (NSE) ka 50 sheyaron par aadhaarit samvedi soochakaank Nifty bhi is saal 27 feesadi uchhal kar saal ke aakhiri kaarobaari din somvaar ko 5,905.10 par band hua.

Midcap, Smallcap Sheyaron Mein Sensex Se Adhik Teji http://www.angrejinews.com/pic/65