Midcap, Smallcap Mein Sensex Se Jyaada Teji

Breaking »

Midcap, Smallcap Mein Sensex Se Jyaada Teji

Mumbai: desh ke share baajaaron mein pichhle saptaah pramukh soochakaank Sensex aur Nifty maamooli teji ke saath band hue. Is dauraan Mumbai stock exchange (BSE) ke midcap aur smallcap soochakaankon mein Sensex aur Nifty ke mukaabale jyaada teji rahi. BSE ka 30 sheyaron par aadhaarit samvedi soochakaank Sensex pichhle saptaah 0.26 feesadi ya 59.23 ankon ki teji ke saath shukravaar ko 22,688.07 par band hua. National stock exchange (NSE) ka 50 sheyaron par aadhaarit samvedi soochakaank Nifty 0.05 feesadi ya 3.35 ankon ki maamooli teji ke saath 6,782.75 par band hua. pichhle saptaah guruvaar, 24 April ko aam chunaav ke maddenajar share baajaar band rahe aur chaar din-somvaar, mangalvaar, Budhvaar aur shukravaar-hi kaarobaari satr sanchaalit hue. Sensex ke 30 sheyaron mein se pichhle saptaah 16 mein teji rahi. Mahindra end mahindra (7.31 feesadi), L (6.30 feesadi), bhel (5.36 feesadi), bhaarati Airtel (4.91 feesadi) aur eksis bank (4.77 feesadi) mein sarvaadhik teji rahi. Giraavat vaale sheyaron mein pramukh rahe Wipro (11.24 feesadi), Hindustan Unilever (4.73 feesadi), NTPC (3.45 feesadi), ITC (2.72 feesadi) aur Cipla (1.59 feesadi). midcap aur smallcap soochakaankon mein gat saptaah Sensex ke mukaabale adhik teji rahi. Midcap 0.47 feesadi ya 34.35 ankon ki teji ke saath 7,373.64 par band hua. Smallcap 0.97 feesadi ya 73.33 ankon ki teji ke saath 7,597.34 par band hua. pichhle saptaah ke pramukh ghatnaakramon mein gat saptaah sabhi chaar kaarobaari satron mein Sensex aur Nifty ne apne jeevanakaal ke aitihaasik uchch star ko chhuaa aur somvaar tatha Budhvaar ko donon aitihaasik uchch star par band hue. Shukravaar ko Sensex aur Nifty ne kramash: 22,939.31 aur 6,869.85 ke oopari star ko chhuaa. pichhle hafte desh mein aam chunaav jaari raha. Iske parinaam ka share baajaar ki chaal par pramukhata se asar hoga. Chunaav saat April se shuroo hua aur yeh 12 May tak nau charanon mein sampann hoga aur mataganana 16 May ko hogi. guruvaar ko Bhaarat mausam vigyaan vibhaag ne aagaami monsoon ke mausam (June-September) mein baarish kam hone ki bhavishyavaani ki hai. Mausam kaaryaalaya ki bhavishyavaani ke mutaabik maanasooni baarish paanch feesadi ki ghat-badh ki model truti ke saath 89 seinteemeetar ke deerghaavadhi ausat ke 95 feesadi rahane ka anumaan jataaya. monsoon ka desh ki arthavyavastha par vyaapak asar hota hai. Iske kamjor rahane se krushi prabhaavit ho sakti hai, mahangaai badh sakti hai aur isse arthavyavastha ke kai kshetr prabhaavit ho sakte hain.

Midcap, Smallcap Mein Sensex Se Jyaada Teji http://www.angrejinews.com/pic/48663