Mere Record Ka Mukaabala Karne Ke Liye Chidambaram Ko Do Baar Janm Lena Hoga Yashavant Sinha

Breaking »

Mere Record Ka Mukaabala Karne Ke Liye Chidambaram Ko Do Baar Janm Lena Hoga  Yashavant Sinha

File photo File photo Nai Delhi: vittamantri ke saath chal rahe vaakayuddh ko aage badhaate hue bhaajapa neta yashavant sinha ne aaj kaha ki vittamantri ke roop mein unke (sinha) record ka mukaabala karne ke liye pi. Chidambaram ko ek naheen balki do baar janm lena hoga. sinha ne yahaan bhaajapa mukhyaalaya mein aayojit press vaarta mein Chidambaram ko nishaane par lete hue un par kardaataaon ke viruddh 'Kar aatankvaad' failaane aur arthavyavastha ki vruddhi dar ko 4.6 feesadi dikhaane ke liye anek 'Fraud' (kapat) ka sahaara lene ka aarop lagaaya. Unhonne daava kiya ki in fraud ko samajh liya jaae to desh ki arthavyavastha 4.6 se bhi kaheen neeche hai. Chidambaram dvaara unhein (sinha ko) sabse kharaab vittamantri bataae jaane ka javaab dete hue bhaajapa neta ne kaha, 'Mainne 4 saal mein vittamantri ke roop mein jo kaam kiya hai, Chidambaram ko usaka mukaabala karne ke liye do baar janm lena hoga. ' isse pehle Chidambaram ne pichhle saptaah sinha ki khinchaai karte hue kaha tha ki desh mein udaareekaran ke baad arthavyavastha jab sabse bure haal mein thi us samay sinha vittamantri the. sinha ne kaha ki NDA sarkaar ne UPA sarkaar ko 8.5 feesadi vruddhi dar waali arthavyavastha saunpi thi, lekin Chidambaram use 4.6 feesadi par le aae. bhaajapa neta ke anusaar arthavyavastha ki vaastavik vruddhi dar 4.6 feesadi se bhi kam hai aur Chidambaram ne ise chhipaane ke liye kai fraud kiye hain. Unke anusaar in fraud mein yojanaagat vyaya mein se 80 hajaar karod rupayon ki badi katauti ki gayi, kai subsidy roki gayi aur agrim karon ki 'Jabaran vasooli' ki gayi. Unhonne aarop lagaaya ki Chidambaram ke vittamantri rahate desh is samay 'Sabse badatareen arthik sankat' ka saamana kar raha hai.

Mere Record Ka Mukaabala Karne Ke Liye Chidambaram Ko Do Baar Janm Lena Hoga Yashavant Sinha http://www.angrejinews.com/pic/49657