Mausam Vibhaag Ne Is Varsh Saamaanya Se Kam Varsha Ka Poorvaanumaan Lagaaya

Breaking »

Mausam Vibhaag Ne Is Varsh Saamaanya Se Kam Varsha Ka Poorvaanumaan Lagaaya

chaar saal tak monsoon mein saamaanya aur saamaanya se adhik varsha ke baad Bhaarat mein is saal monsoon ke dauraan saamaanya se kam varsha ka anumaan hai. Is varsh 95 pratishat baarish ka poorvaanumaan vyakt kiya gaya hai. Yeh khabar kisaan samaaj ke liye niraashaajanak ho sakti hai. mausam vibhaag ke adhikaariyon ne kaha ki monsoon saamaanya se neeche rahane ki ummeed hai. Aisa al neeno prabhaav ke kaaran hoga jise aam taur par mahaasaagar jal ka taapamaan badhne se joda jaata hai. mausam vibhaag ne ek bayaan mein kaha, 'Monsoon ki mausami varsha lambi avadhi ke ausat ke roop mein 95 pratishat rahane ki sambhaavana hai jismein paanch pratishat ki ghatat badhat ho sakti hai. ' aamtaur par 90-96 pratishat varsha ko saamaanya se kam maana jaata hai jabki 96.104 pratishat ko saamaanya varsha maana jaata hai. varsh 2014 ke liye yeh poorvaanumaan aise samay mein aaya hai jabki desh mein lagaataar chaar saal saamaanya monsoon raha aur banpar fasal hui. pichhle saal mausam vibhaag ne 98 pratishat varsha rahane ka anumaan vyakt kiya tha lekin desh mein 106 pratishat se adhik varsha darj ki gayi. krushi visheshakar khareef fasal jaise dhaan, soyaabeen, kapaas, makka ke liye monsoon behad mahatvapoorn hai kyonki desh mein kareeb 60 pratishat krushi bhoomi varsha jal sinchit hai.

Mausam Vibhaag Ne Is Varsh Saamaanya Se Kam Varsha Ka Poorvaanumaan Lagaaya http://www.angrejinews.com/pic/48486