Matadaan Poora Hone Ke Turant Baad Nae Gas Moolya Ki Ghoshana Kar Sakta Hai Petrolium Mantraalaya

Breaking »

Matadaan Poora Hone Ke Turant Baad Nae Gas Moolya Ki Ghoshana Kar Sakta Hai Petrolium Mantraalaya

File photo File photo Nai Delhi: petrolium mantraalaya Loksabha chunaav ke liye matadaan poora hone ke turant baad hi gas ke nae moolyon ki ghoshana par vichaar kar raha hai. Mantraalaya ke ek varishth adhikaari ne Budhvaar ko yeh jaankaari di. ghareloo star par utpaadit sabhi tarah ki praakrutik gas ke nae moolya faarmoole ko 10 January ko adhisoochit kiya gaya tha aur ise sarkaari raajapatr mein 17 January ko prakaashit kiya gaya. Lekin nae moolyon ko laagoo karne ki taareekh 1 April se pehle aam chunaavon ki ghoshana ho gayi. Uske baad chunaav aayog ne sarkaar se gas moolyavruddhi ko chunaav poora hone tak taalane ko kaha. adhikaariyon ne kaha ki chunaav aayog ne sarkaar se nae moolyon ki ghoshana ko aadarsh aachaar sanhita laagoo rahane tak laagoo naheen karne ko kaha hai. Jaise hi yeh samaapt hogi uske baad nae gas moolya laagoo kiye ja sakte hain. haalaanki, mantraalaya ke adhikaariyon mein is baat par ekaraaya naheen hai ki aadarsh aachaar sanhita kab samaapt hogi. 12 May ko matadaan samaapt hone par ya fir 16 May ko mataganana ke baad. June aur December, 2013 mein mantrimandal dvaara di gayi manjoori ke anuroop gas moolyon ko timaahi aadhaar par adhisoochit kiya jaaega. Yeh moolya 12 maah ke ausat antararaashtreeya hab daron tatha aayaatit taraleekrut praakrutik gas (LNG) ki laagat ke hisaab se tay kiya jaaega. Ise ek timaahi pehle se liya jaaega. April-June timaahi ke liye gas moolya ki ghoshana March mein honi thi, lekin chunaav ki vajah se ise taal diya gaya.

Matadaan Poora Hone Ke Turant Baad Nae Gas Moolya Ki Ghoshana Kar Sakta Hai Petrolium Mantraalaya http://www.angrejinews.com/pic/49147