Maruti Ne Nayi Artiga Utaari, Keemat 7.44 Lakh Se 10.9 Lakh Rupaye

Business »

Maruti Ne Nayi Artiga Utaari, Keemat 7.44 Lakh Se 10.9 Lakh Rupaye

Nayi Delhi, 21 November (bhaasha) desh ki sabse badi car company Maruti Suzuki India ne Budhvaar ko apne bahuuddeshyeeya vaahan (emapeevi) artiga ka naya sanskaran utaara. Delhi ke shoroom mein iski keemat 7.44 lakh se 10.9 lakh rupaye hai. Isse emapeevi khand mein pratispardha tej hone ki sambhaavana hai. company ka yeh naya sanskaran Maruti ke paanchaveen 'Hartekt' platform par aadhaarit hai. Yeh isse puraane sanskaran se bada vaahan hai. Company ka daava hai ki is model mein indhan ki khapat puraane model se das pratishat kam hogi. iske petrol sanskaran mein naya 1.5 liter ka engine hain. Yeh engine smart haaibrid praudyogiki aur lithiym aayan baitari ke saath hai. Artiga ke petrol sanskaran ki keemat puraane model se 71,000 rupaye tak adhik hai. Isi tarah diesel model ki keemat 20,000 rupaye tak jyaada hai. is vaahan ke petrol sanskaran (do aatomaitik traansamishn trims ke saath) ka daam 7.44 lakh se 9.95 lakh rupaye hai. Diesel sanskaran mein puraane model ka hi 1.3 liter ka engine hai. Iski keemat 8.84 lakh se 10.9 lakh rupaye hai. company ka yeh model honda seeaar-vi, mahindra maraajo aadi se pratispardha karega. In vaahanon ki keemat 9.45 lakh se 13.9 lakh rupaye hai. Maruti Suzuki India ke prabandh nideshak evam mukhya kaaryapaalak adhikaari kenichi aayukaava ne yahaan samvaadadaataaon se kaha, ''Agali peedhi ki artiga ko kaafi vichaar ke baad tay feechars ke hisaab se design kiya gaya hai. Saath hi ismein humne apne upabhoktaaon ki jarooraton ka bhi dhyaan rakha hai. '' Maruti Suzuki ne nayi artiga ke vikaas par 900 karod rupaye ka nivesh kiya hai. Puraane sanskaran ki tulana mein naya model 40 mileemeetar adhik chauda, paanch mileemeetar adhik ooncha aur 99 mileemeetar adhik lamba hai. Bhaarat ke liye vishesh roop se design artiga ko yahaan April, 2012 mein utaara gaya tha. Ab tak company 4.2 lakh artiga bech chuki hai. CEO ne kaha ki desh ki pramukh vaahan vinirmaata company hone ke naate Maruti 'Mek in India' pahal ko aage badhaati rahegi. Unhonne kaha ki ham nayi praudyogikiyaan laane tatha uchchastar ke sthaaneeyakaran ke liye shodh evam vikaas keindron mein aur nivesh kareinge.

Maruti Ne Nayi Artiga Utaari, Keemat 7.44 Lakh Se 10.9 Lakh Rupaye http://www.angrejinews.com/pic/236137