Mangal Par Pehli Basti Basaane Jaaenge 44 Bhaarateeya

Breaking »

Mangal Par Pehli Basti Basaane Jaaenge 44 Bhaarateeya

Naasa ka kyoorositi maars rovar (file chitr) Naasa ka kyoorositi maars rovar (file chitr) London: mangal grah ki is yaatra ko aap rochak bhi kah sakte hain aur ab tak ki sabse jokhim waali bhi, kyonki ek taraf jahaan yeh yaatra pruthveevaasiyon ko pehli baar mangal grah ki dharati par pahunchane ka mauka degi, vaheen vahaan pahunchane vaale dobaara pruthvi naheen lauteinge, balki vaheen bas jaaenge. Netherland ki ek gair-munaafa vaale sangathan 'Maars van' ne 2024 mein mangal grah ki ektarfa yaatra ki apni yojana ke liye 705 pratyaashiyon mein 44 bhaarateeyon ko chayanit kiya hai. Ismein 17 mahilaaen bhi shaamil hain. Antarikshayaatra ke liye chayanit pratyaashiyon ko ab maars van ki ek chayan samiti ke samaksh saakshaatkaar dena hoga. sangathan ki yojana 2025 se mangal grah par ek basti basaane ki hai. Maars van ke mukhya chikitsaadhikaari naubart kraaft ne ek bayaan jaari kar kaha, pratyaashiyon ke chayan ka doosra charan shuroo karne ke liye ham behad utsaahit hain. Is charan mein ham is saahasik yaatra ke liye taiyaar hue pratyaashiyon ko behtar tareeke se samajhne ki koshish kareinge. unhonne aage kaha ki pratyaashiyon ko apne gyaan, buddhimtta, anukoolan kshamata aur vyaktitv ka pareekshan dena hoga. Maars ki yojana 2024 mein mangal grah par chaar upanivesh utaarane ki hai. Mangal par basane waali is basti ke liye duniyaabhar se do lakh logon ne aavedan diya tha. Maars van ne doosare charan ke liye duniya bhar se 418 purushon aur 287 mahilaaon ka chayan kiya hai. Ismein 313 vyakti America se, 187 Europe se, 136 Asia se, 41 Africa se aur 28 vyakti oseeniya se hain.

Mangal Par Pehli Basti Basaane Jaaenge 44 Bhaarateeya http://www.angrejinews.com/pic/50064