Mamata Sarkaar Ko Supreme Court Se Jhatka, Shaarada Chitfand Ghotaale Ki CBI Jaanch Ke Aadesh

Breaking »

Mamata Sarkaar Ko Supreme Court Se Jhatka, Shaarada Chitfand Ghotaale Ki CBI Jaanch Ke Aadesh

Nai Delhi: Supreme court ne pashchim Bengal ke shaarada chitfand ghotaale ki CBI jaanch ke aadesh diye hain. Raajya ki mamata Bannerjee sarkaar is ghotaale ki CBI jaanch ke khilaaf thi. Supreme court ne CBI jaanch ka aadesh dete hue kaha ki yeh ghotaala 10 hajaar karod rupaye ka hai aur 25 lakh log isse prabhaavit hain. Niveshakon mein bharosa paida karne ke liye ham yeh case CBI ke havaale kar rahe hain. Pashchim Bengal, asam, tripura aur Orissa mein darj saare maamale CBI ko saunpe jaaenge. Court ne yeh bhi kaha ki paisa kahaan gaya aur iske peechhe ki saajish ki jaanch theek se honi chaahiye. Ab tak jo jaanch hui hai, usamein jyaada kaamayaabi naheen mili hai. pichhle saal April mein saamane aae is ghotaale mein pashchim Bengal, Orissa, tripura, Jharkhand aur asam ke laakhon logon ke karodon rupaye doob gaye the. Kolkata aadhaarit is chitfand company ka sanchaalan sudeepto sen kar rahe the, jo ab jail mein hain. Trinamool Congress ke kai netaaon par is ghotaale se faayda pahunchane ka aarop lagaaya gaya. Maujooda chunaavi maahaul mein BJP aur Congress dvaara is ghotaale ko lekar lagaataar mamata Bannerjee par hamle hote rahe hain.

Mamata Sarkaar Ko Supreme Court Se Jhatka, Shaarada Chitfand Ghotaale Ki CBI Jaanch Ke Aadesh http://www.angrejinews.com/pic/50061