Mamata Ne Modi Ko Bataaya 'Dangon Ka Aarkitekt', Kaha, Vikaas Par Hamein Modi Se Gyaan Lene Ki Jaroorat Naheen

Breaking »

Mamata Ne Modi Ko Bataaya 'Dangon Ka Aarkitekt', Kaha, Vikaas Par Hamein Modi Se Gyaan Lene Ki Jaroorat Naheen

Kolkata: pashchim Bengal ki mukhyamantri mamata Bannerjee ne Narendra Modi ke us aarop ko aaj khaarij kar diya ki unhonne (mamata ne) vaamamorcha ke 35 saal ke kaaryakaal ki apeksha apne 35 maheene ke shaasanakaal mein raajya ko adhik nuksaan pahunchaaya hai. Iske saath hi mamata ne kaha ki vikaas ko lekar unhein Modi se 'Gyaan' lene ki jaroorat naheen hai. Trinamool Congress pramukh mamata ne twitter par likha hai, 'Agar vah satta mein aate hain, Bhaarat andhakaar mein doob jaaega. Hamein dangon ke aarkitekt se vikaas par gyaan ki jaroorat naheen hai. ' BJP ki or se pradhaanamantri pad ke ummeedavaar par teekhe hamle bolte hue mamata ne kaha, 'Jis vyakti ko pradhaanamantri ummeedavaar ke taur par pesh kiya ja raha hai, agar vah satta mein aate hain to Bhaarat barbaad ho jaaega. ' Modi dvaara lagaae gaye aarop ki vah gair-baangla logon ki anadekhi aur baanglaadeshiyon ka svaagat kar vote bank ki raajaneeti mein shaamil hain, mamata ne samvaadadaataaon se kaha ki unhein (Modi) itihaas ki jaankaari naheen hai. Unhonne kaha ki Bangladesh se pravaasi 1971 ke indira-mujeeb samjhaute ke tahat Bhaarat aae. Unhonne kaha, 'Shri Modi ko itihaas naheen maaloom hai. Unhein naheen maaloom ki baangla bolne se koi baanglaadeshi naheen ho jaata. ' mamata ne kaha, 'Bhaarat mein doosari jagah, jo bhi baangla bolata hai, use baanglaadeshi kah diya jaata hai. Yeh bhedabhaav hai. ' unhonne Modi par vibhaajanakaari raajaneeti karne ka aarop lagaate hue kaha, 'Shri Modi bangaaliyon aur gair bangaaliyon ko baantana chaahate hain. Yeh nindaneeya hai. ' mamata ne kaha, 'Shri Modi bangaaliyon ko Bhaarat se bhejana chaahate hain. Vah tay karne vaale kaun hote hain? Vah vibhaajanakaari raajaneeti mein shaamil hain. Vah Darjiling ko vibhaajit karna chaahate the. Ab vah raajya mein hindu aur musalmaanon ko baantana chaahate hain. ' unhonne kaha, 'Baangla vishv ki paanchaveen sabse adhik boli jaane waali bhaasha hai. Kisi bhaasha ke khilaaf ghruna failaana aparaadh hai. Bengal ke log sauhaardr ke saath rahate hain. . . ' vikaas ke Gujarat model par hamla bolte hue mamata ne kaha, 'Unke shaasanakaal mein Gujarat ke vikaas mein kami aayi hai. ' is kram mein kai aankade dete hue mamata ne kaha ki Bengal mein raajasv aay mein 31 pratishat ki dar se vruddhi huyi lekin Gujarat mein yeh sirf 15 pratishat rahi. isse pehle somvaar ko Kolkata mein hui press conference mein bhi TMC netaaon ne Modi par jamkar hamla kiya tha. Unhonne kaha ki raajanaitik shaaleenata bhool kar Narendra Modi niji hamle kar rahe hain. Party ne Modi ke aarop par kaha ki mamata ki peintings par lagaae aarop ko saabit karein anyatha maanahaani ka saamana karein. Party ka kehna hai ki Modi ahankaari hain aur ve jhoothe aarop laga rahe hain. Jiske khud ke haath khoon se range hain vah mamata par niji hamle kar raha hai. (padhe- 'Modi ke haath 'Khoon se range hain')

Mamata Ne Modi Ko Bataaya 'Dangon Ka Aarkitekt', Kaha, Vikaas Par Hamein Modi Se Gyaan Lene Ki Jaroorat Naheen http://www.angrejinews.com/pic/48911