Mamata Ki Dhamaki Ke Chalte Mainne Radd Ki Kolkata Yaatra Rushdi

Breaking »

Mamata Ki Dhamaki Ke Chalte Mainne Radd Ki Kolkata Yaatra  Rushdi

Kolkata: Vivaadaaspad lekhak Salman rushdi ne shukravaar ko aarop lagaaya ki unhein apni Kolkata yaatra in dhamakiyon ke chalte radd karni padi ki pashchim Bengal ki mukhyamantri mamata Bannerjee ke aadesh par police unhein pehli hi udaan se vaapas bhej degi. Desh se udaan bharne se pehle 65 varsheeya lekhak ne ek prushth ka bayaan jaari kiya. Unhonne yah bhi tweet kiya ki Kolkata police ne shahar ki unki yaatra ko ''Asambhav'' bana diya tha aur aarop lagaaya ki isne press tatha muslim netaaon ke samaksh unke yaatra kaaryakram ka khulaasa kar ''Spasht taur par pradarshan bhadkaane ka kaam kiya. '' Rushdi ne bayaan mein kaha, ''. . Meri Kolkata yaatra se ek din pehle hamein soochana mili ki Kolkata police mujhe shahar mein naheen ghusne degi. Mujhe bataaya gaya ki yadi main vahaan jaaoonga to mujhe agali hi udaan se vaapas bhej diya jaaega. Mujhe yah bhi bataaya gaya ki yah mukhyamantri ke aadesh par hoga. '' Rushdi ko Kolkata saahitya mahotsav mein 30 January ko apne upanyaas 'Midnights children' par bani film ke prachaar ke liye achaanak se atithi ke roop mein shaamil hona tha, lekin baad mein aayojakon ne unhein bulaane se inkaar kar diya.

Mamata Ki Dhamaki Ke Chalte Mainne Radd Ki Kolkata Yaatra Rushdi http://www.angrejinews.com/pic/842