Malaala Yoosufajai Ko Mili London Ke Aspataal Se Chhutti

World »

Malaala Yoosufajai Ko Mili London Ke Aspataal Se Chhutti

London: Taliban ke hamle mein ghaayal hui Pakistan ki saahasi ladki malaala yoosufajai ko London ke aspataal se chhutti de di gayi hai. Doctoron ka kehna hai ki vah ab itni sahi hai ki ghar par rahakar bhi svaasthya laabh kar sakti hai. Haalaanki use January ke aakhir ya February ke shuroo mein khopadi (cranial reconstructive surgery) ke operation ke liye fir se bharti hona padega. Gaurtalab hai ki ladkiyon ki shiksha ki purajor pairavi karne waali 15 saal ki malaala ko pichhle saal October mein Taliban aatankvaadiyon ne goli maar di thi. Goli uske sir mein lagi thi. Baad mein behtar upachaar ke liye use Birmingham sthit queen Elizabeth aspataal mein bharti karaaya gaya tha. University Hospitals Birmingham NHS foundation trast ke chikitsa nideshak Doctor dev Roger ne kaha ki January ke aakhir athva February ki shuruaat mein malaala ki khopadi ki surgery ki jaaegi. Udhar, malaala ke ab Britain mein sthaayi aavaas haasil karne ki sambhaavana hai, kyonki unke pita jiyaauddeen yoosufajai ko Birmingham sthit Pakistani vaanijya dootaavaas mein naukri de di gayi hai.

Malaala Yoosufajai Ko Mili London Ke Aspataal Se Chhutti http://www.angrejinews.com/pic/141