Makka Masjid Faisala Subramanyan Svaami Bole-Chidambaram Par Darj Ho Case, Ovaisi-Congress Ne NIA Par Uthaae Savaal

Breaking »

Makka Masjid Faisala Subramanyan Svaami Bole-Chidambaram Par Darj Ho Case, Ovaisi-Congress Ne NIA Par Uthaae Savaal

Nai Delhi Makka masjid blaast maamale mein raashtreeya jaanch agency (NIA) ki vishesh adaalat se svaami aseemaanand samet sabhi 5 aaropiyon ke bari ho jaane par siyaasat shuroo ho gayi hai. Congress aur all India majalis-A-ittehaadul muslimeen (AIMIM) cheef asaduddeen ovaisi ne isko lekar NIA par hamla bola hai. Ovaisi ne NIA ko bahara aur andha tota karaar dete hue case mein raajaneeti dakhal ka aarop lagaaya. Doosari taraf Congress ne bhi jaanch agency par savaal uthaae. Vaheen, BJP neta subramanyan svaami ne UPA sarkaar ke kaaryakaal mein 'Bhagava aatankvaad' shabd gadhne ko lekar poorv gruh mantri pi Chidambaram ko nishaane par liya. Unhonne Chidambaram par case darj karne ki maang ki hai. Sabhi aaropiyon ke bari hone ke baad NIA bhi savaalon ke ghere mein hain. Aise mein bada savaal yeh bhi hai ki aakhir blaast ke peechhe fir kaun tha aur ismein maare gaye 9 logon ki hatya ka asli gunahagaar kaun hai. Is faisale par tweet karte hue ovaisi ne kaha ki NIA ne maamale ki sahi pairavi naheen ki. Unhonne kaha, 'June 2014 ke baad makka masjid blaast case maamale mein adhiktar gavaah apne bayaan se palat gaye. NIA ne case ki pairavi ummeed ke mutaabik naheen ki ya fir 'Raajaneetik master' dvaara unhein aisa karne naheen diya gaya. Aaparaadhik maamale mein jabatak aisi pakshapaati cheejein hoti raheingi tabatak nyaaya naheen milega. ' Padhein: Makka masjid blaast: Svaami aseemaanand samet sabhi hue bari Ovaisi bole-NIA bahara aur andha tota Ovaisi yaheen naheen ruke aur NIA ko bahara aur andha tota tak bata daala. Unhonne kaha, 'Nyaaya naheen hua hai. NIA aur Modi sarkaar ne aaropiyon ko mili bail ke khilaaf bhi appeal naheen ki. Yeh poori tarah se pakshapaati jaanch thi. Isse aatank ke khilaaf hamaari ladaai kamjor hui hai. ' Ovaisi ne kaha, 'NIA ek bahara aur andha tota hai. Agency ne aaropiyon ke bail ke khilaaf appeal naheen ki. Gavaah apne bayaan se palat gaye. Yeh peediton ke liye nuksaan ki baat rahi. Aaj ke faisale ke baad aatankvaad ke khilaaf ladaai kamjor hui hai. ' Hindu terar shabd ke liye Chidambaram par ho case darj: Svaami Svaami ne hamaare sahayogi channel times naau se baatcheet mein kaha ki is maamale mein Chidambaram par maamala darj karna chaahiye. Svaami ne kaha ki hindu terar thiari ke liye poorv gruh mantri par case hona chaahiye. Unhonne kaha ki hindu terar shabd ke jariye hinduon par savaal uthaae. Svaami ne kaha, 'Iske peechhe badi saajish thi. Is maamale mein shaamil logon ko saja milni chaahiye. ' unhonne kaha ki hindu terar shabd ka prayog kar ve RSS ko nishaana banaana chaahate the aur use ban karna chaahate the. Bhagava aatankvaad par Chidambaram ne kya kaha tha Poorv gruh mantri pi Chidambaram ne August 2010 mein police adhikaariyon ke ek sammelan ke dauraan kaha tha,'Desh ke kai bam dhamaakon ke peechhe bhagava aatankvaad ka haath hai. Bhagava aatankvaad desh ke liye nai chunauti bankar ubhar raha hai. ' Chidambaram ke is bayaan par us samay vipaksh mein rahi BJP-shivsena ne sansad mein bhi hangaama kiya tha. Tab UPA cheef Sonia Gandhi ke kareebi mahaasachiv janaardan Dwivedi ne Chidambaram ko jubaan sanbhaalakar bolne ki naseehat dete hue kaha tha ki aatank ka bhagava ya hara rang naheen hota sirf kaala rang hota hai. Haalaanki iske baad Chidambaram ne kaha tha ki bhagava aatankvaad par kisi ka peteint naheen hai. Vah iske jariye jo sandesh dena chaahate hain vah desh bhar mein chala gaya hai. Unhonne tab daava kiya tha ki desh ke kuchh bam dhamaakon ke peechhe kattarpanthi dakshinpanthiyon ka haath hai. Congress ne NIA jaanch ko bataaya pakshapaati Congress ne NIA ki jaanch ko pakshapaati bataaya. Congress ke varishth neta gulaam nabi aajaad ne kaha ki sabhi jaanch agency kendra sarkaar ki kathaputali ban gayi hai. Is maamale ki jaanch court ki nigraani mein ho. Unhonne kaha ki NIA BJP sarkaar ke andar kaam karti hai. Congress ke varishth neta Salman khursheed ne kaha ki vah trial court ke faisale ka sammaan karte hain. Yahaan aage fir se appeal ki ja sakti hai. Is maamale mein darjanon gavaah apne bayaan se mukar gaye. Is par savaal to khade hote hi hain. Iski jaanch honi chaahiye. Ovaisi ka savaal par chinta to paida karta hi hai. Padhein: Makka masjid blaast: Kaise kya hua, jaanein sab Gaurtalab hai ki 18 May 2007 ko hue is blaast mein 9 maare gaye the jabki 58 ghaayal hue the. Baad mein pradarshanakaariyon par hui police firing mein bhi kuchh log maare gaye the. Aapko bata dein ki NIA maamalon ki chaturth atirikt metropolitan satr sah vishesh adaalat ne case ki sunavaai poori kar li thi. Aapko bata dein ki is maamale mein 10 aaropiyon mein se aath logon ke khilaaf chargesheet daakhil ki gayi thi. Court ne apne faisale mein sabhi paanch aaropi Devendra gupta, lokesh sharma, svaami aseemaanand urf naba Kumar sarkaar, Bhaarat mohanalaal ratneshvar urf Bhaarat bhaai aur raajeindr chaudhari ko court ne bari karne ka faisala sunaaya. In sabhi ko makka masjid visfot maamale mein giraftaar kiya gaya tha aur unapar trial chala tha.

Makka Masjid Faisala Subramanyan Svaami Bole-Chidambaram Par Darj Ho Case, Ovaisi-Congress Ne NIA Par Uthaae Savaal http://www.angrejinews.com/pic/201111