'Majabooran Media Ke Saamane Aae 4 Judge, Koi Raasta Naheen Tha

Breaking »

'Majabooran Media Ke Saamane Aae 4 Judge, Koi Raasta Naheen Tha

Nai Delhi Supreme court ke 4 judgeon ne Bhaarat ke itihaas mein pehli baar media ke saamane aakar Supreme court ki kaaryapranaali par gambhir savaal uthaae. In chaar judgeon mein shaamil Justice chelameshvar ne kaha ki ve majaboor hokar media ke saamane aae hain. Kaanooni jaankaaron ne is maamale ko apratyaashit karaar diya. Unhonne kaha ki jo kuchh hua, vah stabdhakaari hai aur poore sankat ka jald se jald samaadhaan hona jaroori hai. Shaayad in chaaron judgeon ke paas aur koi raasta naheen bacha tha. Gaurtalab hai ki in judgeon mein Justice J. Chelameshvar, Justice ranjan gogoi, Justice madan lokur aur Justice kuriyan Joseph shaamil hain. 'Kuchh na kuchh gadbad to jaroor hai' Delhi haai court ke retired cheef Justice A. Pi. Shaah ne kaha ki media ke saamane aakar in chaaron judgeon ne agar yeh baat kahi hai to kuchh na kuchh gadbad to jaroor hai. Ye chaaron judge behad pratishthit hain. Inki nishtha par koi savaal naheen utha sakta. Inhonne saamane aakar bahut bada kaam kiya hai. Agar ye chaaron chup rahate to sthiti behtar naheen ho paati. System mein agar kuchh bhi khaami hai to use saamane laana jaroori hai. Samvidhaan ki raksha ka daayitv Supreme court par hai. Supreme court samvidhaan ka abhibhaavak hai, lekin sheersh nyaayaalaya mein hi agar is mudde par aapasi matabhed hoga to nishchit taur par lokatantr khatre mein padega. Ab jo sthiti hai, usamein cheef Justice ke saath in judgeon ki meeting jaroori hai. Saath hi ful court mein is par vimarsh jaroori hai ki is sankat se kaise nipta jaae? Padhein: Supreme court ke judgeon ki press conference, jaanein, kya hain vivaad ki pramukh vajahein 'Judgeon ke chehare par dukh jhalak raha tha' Senior aidavoket ke. Ti. S tulasi ne kaha ki jo kuchh bhi hua, vah dukhadaayi hai, lekin ho sakta hai ki Supreme court ke chaaron judgeon ne tamaam raaste dekhe honge aur apni baat rakhane ke liye letar bhi diya. Apni baaton ko saamane rakhane ki unki jimmedaari bhi thi. Haalaanki jab unhonne media ko sambodhit kiya to unke chehare par dukh jhalak raha tha. Padhein: SC ke judge se mile di. Raaja, CPI ne di safaai 'Judge agar chup baithate to baat saamane na paati' Supreme court ke senior edavoket kaulin gonjaalvis ne kaha ki Supreme court ke chaar judgeon ne jis tarah se media ke saamane aakar baaton ko rakha, paaradarshita ke liye ye behad jaroori tha. Yeh ek saraahaneeya prayaas hai. Judge agar chup baithate to baatein saamane naheen aa paati. Logon ke saamane ye baatein aani jaroori thi, taaki sthiti sudhaari ja sake. Daraasal raajaneetik taur par jo samvedansheel maamale hote hain, un maamale ko agar cheef Justice khud naheen sun sakte to varishthata ke hisaab se judgeon ko ve maamale dene ki vyavastha honi chaahiye. Padhein: Rahul bole, Supreme court ke judgeon ke uthaae savaal behad gambhir 'Baatein baahar naheen aani chaahiye thi' Supreme court ke aidavoket M. L laahoti bataate hain ki Supreme court ke chaar senior judge ne media ke maadhyam se jo savaal uthaae, ve aapasi baatcheet se sulajhaae ja sakte the. Baatein baahar naheen aani chaahiye thi. Kai baar Supreme court mein jab kisi mudde par asamanjas ki sthiti hoti hai to senior aidavoket fali. S. Narimn aur soli soraabaji jaise diggajon ki rai li ja sakti hai. Unki baaton ko sabhi sammaan karte hain. Pehli baar aisa hua ki maamala logon ke saamane aaya hai. Supreme court par logon ki aseem aastha hai. Aisa koi sandesh naheen jaana chaahiye, jisse logon mein bhram faile. Vaise bhi attorney general ne kaha hai ki aapasi baatcheet se maamale ko sulajha liya jaaega.

'Majabooran Media Ke Saamane Aae 4 Judge, Koi Raasta Naheen Tha http://www.angrejinews.com/pic/188262