Mairij Hall Mein Puliya Tootane Se Naale Mein Gira Doolha, Vasoole 3 Lakh Rupaye

Breaking »

Mairij Hall Mein Puliya Tootane Se Naale Mein Gira Doolha, Vasoole 3 Lakh Rupaye

Noida Sector 52 ke ek mairij hall mein shaadi ke dauraan doolhe sahit baaraatiyon ko badi mushkil ka saamana karna pada. Daraasal mairij hall mein naale ke oopar bani puliya kamjor thi aur baaraat ke gujarane ke dauraan yeh toot gayi. Puliya ke oopar baaraati naach rahe the tabhi puliya dhans gayi aur 30-40 baaraati doolha sahit naale mein gir gaye. Seedhi lagaakar sabhi logon ko naale se baahar nikaala gaya. Iske baad kapde badalkar doolhe ne fere liye. Mairij hom sanchaalak ne ghatna par maafi maangate hue kshatipoorti dene ki ghoshana ki, jiske baad donon mein se kisi ne bhi shikaayat karne se inkaar kar diya. New kondali mein rahane vaale fool Singh ki beti sonoo ki shanivaar raat ko indiraapuram nivaasi amit ke saath shaadi thi. Iske liye unhonne saadhe teen lakh rupaye mein sector 52 mein bane oliv garden mairij hom book kiya tha, jismein se dhaai lakh rupaye ve peshagi mein de chuke the. Shanivaar raat kareeb 9: 30 doolha amit gaaje- baaje ke saath mandap ke baahar pahunche. Iske baad puliya par doolhe samet 25-30 baaraati naachane lage. Uchhalane-koodane se kamjor slaib dhah gaya. Inmein se 3 teen logon ko maraham patti ke liye aspataal le jaaya gaya. Iske baad baaraatiyon ne mairij hom sanchaalak par kamjor slaib banaane ka aarop lagaakar hangaama shuroo kar diya. Aarop lagaaya ki naale mein girne ki vajah se unke mobile phone, sone ki chen aur angoothiyaan gir gain. Jiski ve police mein shikaayat kareinge. Sanchaalak Colonel (retired) N ke sharma ne unase hangaama na karne appeal ki. Iske baad donon pakshon ke beech 3 lakh rupaye kshatipoorti dene ki baat tay hone par samjhauta ho gaya. Samjhaute ke baad baaraatiyon ne khaana khaaya aur feron ki rasmein huin. Ravivaar subah 7 baje dulhan ki vidaai kar di gayi. Enabeeti ne ravivaar ko oliv garden naale ke aaspaas bani anya puliyaaon ka nireekshan kiya to ve bhi jarjar haalat mein mileen. Naale ke kinaare base logon ne apne- apne makaan dukaan ke aage naale par asthaayi slaib bana rakhe hain.

Mairij Hall Mein Puliya Tootane Se Naale Mein Gira Doolha, Vasoole 3 Lakh Rupaye http://www.angrejinews.com/pic/253875