Mainne Kai Baar Khelne Chhodne Par Vichaar Kiya Abhinav Bindra

Breaking »

Mainne Kai Baar Khelne Chhodne Par Vichaar Kiya  Abhinav Bindra

Chandigarh: nishaanebaaji ne unhein pehchaan dilaai, lekin olympic svarn padak vijeta Abhinav bindra ne khulaasa kiya ki vah isse pehle kai baar khel ko alvida kehne par vichaar kar chuke hain. bindra ne kaha, kai baar meri jindagi niraasha se bhari rahi aur mainne kai baar khel chhodne ka man banaaya. Lekin mere maata-pita ke naitik samarthan, ichhaashakti aur pratibaddhata se main us daur se paar paane mein safal raha. unhonne kaha ki yadi sarkaar desh ke khel paridrushya mein badlaav laana chaahati hai to use poore dhaanche ko naya svaroop dene par jor dena hoga. Bindra ne kaha, Bhaarat mein khel prabandhan mein sudhaar hua hai, lekin is sambandh mein hamein abhi kaafi kaam karna hai. Nai sarkaar ko Bhaarat ki khel vyavastha mein jaroori badlaav laane ke liye iske dhaanche ko nae sire se taiyaar karne par jor dena chaahiye. Unhonne kaha, aisa hone par hi desh ke vibhinn khel sangathan apne kaamkaaj mein peshevarapan laaenge. Bindra bhaarateeya udyog parisangh (CII) ke ek kaaryakram mein yuva udyamiyon aur peshevaron ko sambodhit kar rahe the.

Mainne Kai Baar Khelne Chhodne Par Vichaar Kiya Abhinav Bindra http://www.angrejinews.com/pic/48679