Main Yahaan Kuchh Saabit Karne Naheen Aaya Hoon Susheel Kumar

Breaking »

Main Yahaan Kuchh Saabit Karne Naheen Aaya Hoon Susheel Kumar

Jakarta Anubhavi pahalavaan susheel Kumar ko Asiaee khelon se pehle ek toornameint mein haar se saamana karna pada, jisse unki form ko lekar chintaaen badh gayi hain. Lekin unhonne damakham baaki hone ka daava karte hue kaha ki vah yahaan kuchh sabit karne naheen aae hain. Olympic mein Bhaarat ki or se ekal spardha mein 2 padak jeetne vaale ekamaatr khilaadi susheel pichhle maheene jaurjiya mein hue tbilisi graan. Pre. Mein haar gaye the. 4 saal mein yeh pehla mauka tha jab susheel pehle baaut mein hi haar kar baahar ho gaye. Vah Asiaee khelon ki taiyaari ke liye jaurjiya gaye the. Susheel se jab haar ke baare mein poochha gaya to unhonne beparavaah hokar kaha, 'To kya hua. Khilaadi kabhi jeetata hai, to kabhi haarata hai. Asli khilaadi vahi hai, jo haarne ke baad kadi mehnat karke vaapasi karta hai. Asli khilaadi vah hai, jo jeetne ke baad bhi Matt naheen chhodta hai. Main bhi vaheen karna chaahata hoon. ' susheel ne yahaan abhyaas satr ke baad kaha, 'Mainne Asiaee khelon ke liye achhi taiyaari ki hai lekin yahaan kuchh saabit karne naheen aaya hoon. Khud ko saabit karna khel bhaavana ke vipreet hai. Susheel Asiaee khelon mein 74 kilogram bhaaravarg mein hissa leinge lekin haal mein bhaarateeya kushti mahaasangh ke adhikaariyon ne kaha tha ki susheel ka form mein naheen hona unke liye chinta ka vishay hai. Unhonne vaada kiya ki aage se kisi khilaadi ko trial se chhoot naheen di jaaegi. Unhonne susheel ke vikalp par 2 pahalavaanon ko staindabaaya par bhi rakha hai. Agar susheel aakhiri samay mein khelon se hatate hain, to kisi aur bheja ja sake. Susheel se jab iske baare mein poochha gaya to unhonne kaha, 'Yeh hota rahata hai. Log mujhse pyaar karte hain aur mere achhe pradarshan ki kaamna karte hain. Log kabhi-kabhi pratikriya bhi dete hain. Mainne apne jeevan mein achha pradarshan kiya hai kyonki main ek sakaaraatmak vyakti hoon. Mere coach aur team ke saathi sabhi achhe hain aur meri soch sakaaraatmak rakhate hain. '

Main Yahaan Kuchh Saabit Karne Naheen Aaya Hoon Susheel Kumar http://www.angrejinews.com/pic/218915