Main PM, CM Naheen, Sirf Aapka Sevak Hoon Narendra Modi Bihar Ki Rally Mein

Breaking »

Main PM, CM Naheen, Sirf Aapka Sevak Hoon  Narendra Modi Bihar Ki Rally Mein

Narendra Modi ki file tasveer Narendra Modi ki file tasveer Samasteepur: bhaajapa ke pradhaanamantri ke pad ke ummeedavaar Narendra Modi ne ek chunaavi rally ko sambodhit karte hue kaha ki Bihar ke liye vah na pradhaanamantri hain aur na hi mukhyamantri hain, vah to sirf sevak hain. ujiyaarapur sansadeeya kshetr ke saraayaranjan mein Budhvaar ko ek chunaavi sabha mein unhonne Patna mein 27 October ki rally mein bam visfot ki charcha karte hue kaha ki Bihar ki is dharati par Bhagwan ne us din unhein bacha liya tha. Isi tarah 16 May ko bhi Bihar ki yeh dharati unhein vijay bhi dilaaegi. Modi ne Congress aur laaloo prasaad tatha Bihar ke mukhyamantri neeteesh Kumar ke beech saanthagaanth ki or ishaara karte hue kaha ki abhi tak jitne matadaan hue hain, usase yeh tay ho gaya hai maan-bete ki sarkaar jaani tay hai. Unhein na laaloo bacha sakte hain aur na hi parde ke peechhe se sahayog kar rahe 'Teerandaaj' bacha sakte hain. Modi ne Bihar ke poorv mukhyamantri karpoori thaakur ki charcha karte hue kaha, agar aapka saath mila, to karpoori thaakur ne jo sapana dekha tha, vah avashya poora kiya jaaega. Pichhadon aur daliton ko sammaan diya jaaega. unhonne soniya Gandhi aur Rahul Gandhi ke saath laaloo ke manch saajha naheen karne par prashn karte hue kaha, Bihar mein donon ek-doosare ki madad kar rahe hain. Laaloo ke saath unka rishta hai. Laaloo jab jail gaye, tab 'Maan-bete' ne madad ki thi. Fir ve saath mein manch saajha kyon naheen kar rahe. Unamein logon ke saamane aane ki himmat naheen hai. Aap parde ke peechhe khel khelte hain, lekin khule taur aap aisa naheen kar sakte. unhonne kaha ki chook ho jaae ya galati ho jaae to desh maaf kar sakta hai, lekin agar koi dogalaapan kare, thagi kare to use desh maaf naheen karta. Unhonne logon se ek majaboot sarkaar ke liye NDA ko vote dene ki appeal ki. Ujiyaarapur sansadeeya kshetr mein 7 May ko matadaan hona hai. Bhaajapa ne yahaan se nityaanand rai ko pratyaashi banaaya hai.

Main PM, CM Naheen, Sirf Aapka Sevak Hoon Narendra Modi Bihar Ki Rally Mein http://www.angrejinews.com/pic/49117