Main Narendra Modi Ki Tarah Kaayar Naheen Ki Apna Rishta Chhipaaoon Digvijya Singh

Breaking »

Main Narendra Modi Ki Tarah Kaayar Naheen Ki Apna Rishta Chhipaaoon  Digvijya Singh

Digvijya Singh aur amruta rai Digvijya Singh aur amruta rai Bhopal / nai Delhi: Congress neta digvijya Singh ne ek mahila patrakaar se apne rishte ki sveekaarokti ko hathiyaar banaate hue Narendra Modi par nishaana saadha aur kaha ki vah Modi ki tarah kaayar naheen hain, jo saalon tak apni shaadeeshuda jindagi ke baare mein chhipaate rahe. Congress ne jahaan is savaal par seedhi pratikriya naheen di ki kya digvijya ke bayaan se party ko kisi tarah ki sharmindagi jhelni padi hai. Vaheen Congress neta ke bete aur madhya pradesh se vidhaayak jayavardhan Singh ne kaha ki fir se shaadi karne ka unke pita ka faisala niji maamala hai aur vah apne pita ko poora samarthan dete hain. 67-varsheeya digvijya ne samvaadadaataaon se kaha, jahaan tak meri baat hai, main apne rishte ko naheen chhipaata jaisa ki Modi karte hain. Is maamale mein mera rukh bilkul saaf hai. Main kaayar naheen hoon, jo ki durbhaagya se Narendra Modi hain. Modi dvaara pichhle maheene pehli baar apni shaadi ki baat sveekaar kiye jaane ke baad Loksabha chunaav ke prachaar ke dauraan un par hamla karne vaalon mein digvijya bhi aage the. Modi ne pichhle maheene vadodara Loksabha seat se apna naamaankan daakhil karte samay halafanaame mein pehli baar kaha tha ki unki patni ka naam jashodaaben hai. Isse pehle tak Modi halafanaame mein vaivaahik sthiti vaala khaana khaali chhodte rahe hain. udhar, AICC ki briefing mein vitt mantri pi Chidambaram ne digvijya ke bayaan se Congress ko kisi tarah ki sharmindagi ke savaalon ka seedha javaab naheen diya. Unhonne Delhi mein samvaadadaataaon se kaha, main logon ki niji jindagi par tippani naheen karta, fir ve chaahein Congress ke hon ya anya dalon ke. Yeh sambandhit vyakti par chhod dena hi sabse achha hoga. gaurtalab hai ki digvijya Singh ne Budhvaar ko micro blauging site twitter par ghoshana ki thi ki unke TV enkar amruta rai se sambandh hain, jo apne pati ke saath aapasi sahamati ke aadhaar par talaak ki arji daayar kar chuki hain.

Main Narendra Modi Ki Tarah Kaayar Naheen Ki Apna Rishta Chhipaaoon Digvijya Singh http://www.angrejinews.com/pic/49316