Main Bhi Bachapan Mein Yaun Utpeedn Ka Shikaar Rahi Hoon Anushka Shankar

Movies »

Main Bhi Bachapan Mein Yaun Utpeedn Ka Shikaar Rahi Hoon  Anushka Shankar

Nai Delhi: Bhaarataratn se sammaanit divangat sitaaravaadak pandit ravishankar ki beti Anushka shankar ne desh ki rajdhani Delhi mein pichhle saal 16 December ko nrushans gang-rape ke maddenajar mahilaaon ke khilaaf aparaadhon ko samaapt karne ke maksad se ek online abhiyaan shuroo kiya hai. 31-varsheeya Anushka shankar ne website Change. Org ke maadhyam se mahilaaon aur unhein chaahane vaale ek arab logon ka aahvaan karte hue kaha, is velentaain de (14 February) par utho, baahar niklo, naacho aur is tarah ki hinsa ko khatm karne ke liye aavaaj uthaao. Website ke anusaar, 'Van billion raaijing' sheershak wala yeh abhiyaan daraasal ek vaada hai, jo duniyaabhar mein mahilaaon aur purushon ko yeh kehne ke liye prerit karega ki 'Bahut hua, ab hinsa khatm ho jaae. . . ' Is website par Anushka shankar ka ek video bhi maujood hai, jismein vah un mahilaaon ki or se baat karti dikhaai deti hain, jo isi tarah ki yaun hinsa ka shikaar hui hain, aur janta se aagrah karti hain ki ve is muhim se judein. Anushka shankar ne aapabeeti ka bhi zikr karte hue khulaasa kiya, "Main swayam bhi bachapan mein kai saalon tak isi prakaar yaun tatha bhaavanaatmak utpeedn sahati rahi hoon, vah bhi ek aise vyakti ke haathon, jis par mere maata-pita aankh moondakar bharosa karte the. . . Iske alaava bade hote-hote mainne bhi jyaadatar anya mahilaaon ki tarah kai tarah ki chhedkhaani ka saamana kiya hai, jinmein maukhik utpeedn, chhoone ki koshishein shaamil raheen. . . Mainne kai aisi baaton aur harkaton ka saamana kiya, jinse main nipatna naheen jaanti thi. . . " London mein basi hui bhaarateeya sangeetajnya Anushka shankar ne yeh bhi kaha, "Ek mahila ke roop mein main lagbhag hamesha dari hui rahati hoon. . . Raat ko akele ghoomane se darati hoon, aise kisi vyakti ko javaab dene bhi dar jaati hoon, jo bhale hi mujhse sirf samay poochh raha ho. . . Lekin ab bahut ho gaya, ab main uth rahi hoon, Delhi gang-rape peedita aur uske jaisi sabhi mahilaaon ke liye. . . Main apne desh ki avishvasaneeya mahilaaon ke saath hoon. . . Main apne bheetar ki us bachchi ke liye jaag rahi hoon, jo na uske saath beeti kisi ghatna ko bhool paaegi, aur na hi kabhi mujhe maaf kar paaegi. . . So, aaie aur mera saath deejiye. . . Mere saath nrutya keejiye. . . Nrutya mein kisi bhi ghaav ko bharne aur maanasik sthiti ko badal daalne ki kshamata hoti hai, isliye ham khud ko aur is duniya ko badal daalein. . . "

Main Bhi Bachapan Mein Yaun Utpeedn Ka Shikaar Rahi Hoon Anushka Shankar http://www.angrejinews.com/pic/1769