Mahila Vishwacup West Indies Ne Toss Jeetkar Bhaarat Ko Batting Ka Nyota Diya

Cricket »

Mahila Vishwacup  West Indies Ne Toss Jeetkar Bhaarat Ko Batting Ka Nyota Diya

Mumbai: West Indies ki cricket team ne Mumbai ke Brabourne stadium mein Bhaarat ke saath ICC vishwacup (50 over) ke pehle mukaabale mein toss jeetkar geindabaaji ka faisala kiya. Donon teemon ne abhi tak kul 17 match khele hain, jinmein se 13 mein Bhaarat aur chaar mein West Indies ne jeet darj ki hai. Donon ke beech khele gaye aakhiri do mukaabalon mein Bhaarat ko haar ka saamana karna pada tha. Vishwacup ke adhikaansh match mumbai mein honge, lekin kai match Orissa ke shahar Cuttack mein bhi khele jaaenge. Cuttack mein mukhya taur par Pakistani team se jude mukaabale honge. Kootaneetik virodh ke kaaran Mumbai ki jagah Orissa mein aayojan karna pad raha hai. Final mukaabala 17 February ko bhi Mumbai mein hoga. Vishwacup 10vein sanskaran mein kul aath teemein shirkat kar rahi hain. Mejabaan Bhaarat ke alaava Pakistan, Sri Lanka, maujooda champion England, West Indies, dakshin Africa aur New Zealand ki teemein khitaabi jeet ke liye prayaas kareingi. England maujooda champion hone ke lihaaj se khitaab ki raksha ka prayaas karega jabki Australiaee team chhathi baar is khitaab par kabja karne ka prayaas karegi. England aur Australia ke alaava New Zealand ne 2000 mein yah khitaab jeeta tha. England ne 2008 mein Australia mein aayojit tournament ke nauvein sanskaran mein vijeta banane ka gaurav haasil kiya tha. Usase pehle 2004 mein Australiaee team champion rahi thi. Aath teemon ko chaar-chaar ke do group mein vibhaajit kiya gaya hai. Group-A mein England, Bhaarat, West Indies aur Sri Lanka ki teemein hain jabki group-bi mein Australia, New Zealand, Pakistan aur dakshin afreeki teemon ko rakha gaya hai. Is tournament ke match Brabourne stadium ke alaava Cuttack ke Barabaati stadium, Bandra kurla complex, dreams ground aur middle income ground par khele jaaenge.

Mahila Vishwacup West Indies Ne Toss Jeetkar Bhaarat Ko Batting Ka Nyota Diya http://www.angrejinews.com/pic/647