Mahila Vishwacup West Indies Ne New Zealand Ko 48 Ranon Se Haraaya

Cricket »

Mahila Vishwacup  West Indies Ne New Zealand Ko 48 Ranon Se Haraaya

Mumbai: West Indies cricket team ne Brabourne stadium mein somvaar ko khele gaye mahila vishv cup (50 over) ke super-6 mukaabale mein New Zealand ko 48 ranon se hara diya. Kairebiyaai team ab final mein pahunchane se ek kadam door hai. West Indies dvaara diye gaye 208 ranon ke lakshya ka peechha karne utari New Zealand ki poori team 44.3 over mein 159 run par dher ho gayi. Is haar ne final mein sthaan banaane ke kiwi team ke daave ko kamjor kiya hai. Ab uske khaate mein sirf ek super-6 match bacha hai, jo maujooda champion England ke saath hona hai. Kiwi team ko yah match jeetne ke saath-saath Budhvaar ko hone vaale super-6 daur ke anya mukaabalon ke nateejon par bhi aashrit rahana hoga. Aankade uske paksh mein rahe aur vah England ko haraane ka durooh kaam safalataapoorvak karne mein safal rahi to fir vah final mein pahunch sakti hai. Baharahaal, New Zealand ki or se wicket-keeper raasel preest ne sarvaadhik 36 run banaae. Salaami ballebaaj sooji bets ne 30 ranon ka yogadaan diya. New Zealand ki shurooaat achhi naheen rahi. Doosare over ki doosari geind par salaami ballebaaj fraansis maike maatr chaar run ke vyaktigat score par tremaayane smart ki geind par pagbaadha ho gain. Salaami ballebaaj bets tatha wicket-keeper preest ke alaava New Zealand ki koi bhi ballebaaj tik kar naheen khel sakeen. Bets ne apni 44 geindon ki paari mein teen chauke jabki preest ne 65 geind ka saamana karte hue chaar chauke jade. West Indies team ki or se smart ne teen wicket jhatke jabki stefeni Taylor tatha deaandra dotin ne do-do wicket haasil kiye. Isse pehle, toss jeetne ke baad pehle geindabaaji karte hue kiwi mahilaaon ne West Indies ko 50 overon mein nau wicket par 207 ranon par seemit kar diya. New Zealand ki or se morna neelsan ne 27 run dekar sabse adhik teen wicket liye. West Indies ki or se stefeni Taylor ne sabse adhik 49 run banaae jabki Chanel dele ne 37 ranon ka yogadaan diya. Aneesa mohammad 31 run banaakar naabaad lauteen. Taylor ne apni 53 geindon ki paari mein saat chauke lagaae. Dele ne 64 geindon ka saamana karte hue teen chauke lagaae. Aneesa ne 32 geindon par chaar chauke jade. Iske alaava dotin ne 27 run jode. Dotin ne 21 geindon ki tej paari mein chaar chauke aur ek chhakka lagaaya. Kiwi team ki or se sooji bets aur siyaan ruk ne bhi do-do safalta haasil ki.

Mahila Vishwacup West Indies Ne New Zealand Ko 48 Ranon Se Haraaya http://www.angrejinews.com/pic/1666