Mahila Vishwacup West Indies Ne Dakshin Africa Ko 2 Wicket Se Haraaya

Cricket »

Mahila Vishwacup  West Indies Ne Dakshin Africa Ko 2 Wicket Se Haraaya

Cuttack: Stefeni Taylor (75) ki shaanadaar paari ki badaulat West Indies mahila cricket team ne baaraabati stadium mein shukravaar ko khele gaye ICC vishwacup ke super-6 charan ke ek mukaabale mein dakshin Africa team ko do wicket se hara diya. Taylor ko unke pradarshan ke liye player of the match chuna gaya. Dakshin afreeki team ne toss jeetkar pehle ballebaaji karte hue nirdhaarit 50 overon mein saat wicket ke nuksaan par 230 run banaae the. Iske jabaav mein ballebaaji karne utari West Indies team ne 231 ranon ke lakshya ko 27 geind shesh rahate aath wicket ke nuksaan par haasil kar liya. West Indies team ki shuruaat achhi naheen rahi aur usaka pehla wicket 15 ranon ke kul yog par nataasha maikleen (5) ke roop mein gira. Unke out hone ke baad ballebaaji karne I stefeni aur kisiya night ne shaanadaar khel dikhaaya. Donon ke beech 126 ranon ki saajhedaari hui. Kisiya 141 ke kul yog par den vain naikerk ki geind par unheen ko catch thama baithi. Unke kuchh der baad hi den vain naikerk ne Taylor ko bhi pavilion ka raasta dikha diya. Taylor ne apni paari mein nau chauke aur ek chhakka jamaaya. Deaandra dotin (24) aur shemaane kaimpabaile (33) ne bhi team ko jeet tak pahunchaane mein mahatvapoorn bhoomika nibhaai. Anya ballebaajon mein kaayashona night (4), merisa egeeleera (9), shaakuaana kuinataaine 9 run banaakar out huin, vaheen Chanel dele chaar aur tremaayane smart bina koi run banaae naabaad lauteen. Isse pehle, afreeki team ka pehla wicket 22 ke kul yog par yolaandi pautageetar (7) ke roop mein gira. Unhein dele ne Taylor ke haathon catch out karaaya. Iske baad ballebaaji karne aain mignaun doo preej aur salaami ballebaaj trisha chetti ne sanbhalakar khelna shuroo kiya. Donon ke beech 62 ranon ki mahatvapoorn saajhedaari hui. 26vein over mein preej 31 run ke niji yog par kuinataaine ki geind par dotin ko catch day baithi. Is vakt team ka kul yog 84 run tha. Iske kuchh hi der baad chetti bhi doting ki geind par bold ho gain. Unhonne sarvaadhik 45 ranon ka yogadaan diya. Team ka kul score 140 tha ki maarijne kaap (14) bhi catch out hokar chalti bani. Kri-jelda brits 44 ke niji yog par run out ho gain. Anya ballebaajon mein susaan benaade (3), shaanadre fritj (19) run banaakar out huin, jabki den vain naikerk 33 aur shabanam ismaail 9 ranon par naabaad lauteen. West Indies ki or se smart ne do wicket chatakaae, jabki dele, Taylor, kuinataaine aur dotin ko ek-ek safalta mili.

Mahila Vishwacup West Indies Ne Dakshin Africa Ko 2 Wicket Se Haraaya http://www.angrejinews.com/pic/1468