Mahila Vishwacup Stefani Ke Aatishi Shatak Se Vest Indies Ka Record Score

Cricket »

Mahila Vishwacup  Stefani Ke Aatishi Shatak Se Vest Indies Ka Record Score

Mumbai: Salaami ballebaaj stefani Taylor (171 run) ke sarvashreshth chauthe one-day shatak ki badaulat West Indies ne Sri Lanka ke khilaaf ICC mahila vishwacup ke league match mein pehle ballebaaji karte hue nirdhaarit 50 over mein aath wicket khokar record 368 run banaae. Group A ke pehle league match mein Bhaarat ke khilaaf niraashaajanak pradarshan karne waali stefani ne 137 geindon ki apni paari mein niji uchchatam score 171 run banaaya, jismein 18 chauke aur chhah chhakke shaamil hain. Yah pehli baar hai, jab West Indies ki mahila team ne one-day maichon mein 300 run ka aankada paar kiya hai. 21-varsheeya stefani ne apni team ki ballebaaji ki aguvaai karte hue lisiya night (30) ke saath pehle wicket ke liye 62 run jode aur fir kaayashona night (44) ke saath teesare wicket ke liye 124 geindon mein 110 run ki saajhedaari ki. Iske baad, maidaan mein utareen deendra dotin ne 20 geindon mein 50 run ki aatishi paari kheli, jismein chaar chhakke aur paanch chauke shaamil hain. Haalaanki do geind baad unhein baaen haath ki spinner sherina ravikumaar ne bold kar diya. West Indies ne 36vein se 40vein over ke dauraan doosare powerplay mein 71 run jode. Baad mein kaptaan merisa Aguilera ne 24 geind mein naabaad 47 run banaae. Shreelankaai geindabaajon ne antim 10 overon mein 89 run lutaae. Sri Lanka ki or se chaamani senevirtna, shashikla shreevardhane aur sherina ravikumaar ne do-do wicket liye.

Mahila Vishwacup Stefani Ke Aatishi Shatak Se Vest Indies Ka Record Score http://www.angrejinews.com/pic/970