Mahila Vishwacup Sri Lanka Ne England Ko Haraakar Kiya Ulatafer

Cricket »

Mahila Vishwacup  Sri Lanka Ne England Ko Haraakar Kiya Ulatafer

Mumbai: 'Player of the match' ishaani kaushalya ke allround khel tatha dilaani mandora ke aakhiri geind par jamaae gaye chhakke ki madad se Sri Lanka ne romaanch se bhare match mein maujooda champion England ko ek wicket se haraakar mahila vishwacup ka sabse bada ulatafer kiya. Sri Lanka ko group A mein sabse kamjor team maana ja raha tha, lekin usaki khilaadiyon ne khel ke har kshetr mein behatareen pradarshan kiya tatha England par cricket ke kisi bhi praaroop mein pehli jeet darj ki. England ne pehle ballebaaji ka nyota milne par aakhiri paanch over mein 59 run jodkar aath wicket par 238 run ka achha score khada kiya. Usaki taraf se Jenny gun ne 52, Amy jons ne 41, Heather night ne 38 aur eren brindal ne 31 run banaae. Sri Lanka ki taraf se kaushalya, chamaani seneviraatana aur shashikla shreevardhane ne do-do wicket liye. Chamaari Atapattu (62) aur yashoda Mendis (46) ne pehle wicket ke liye 103 run jodkar Sri Lanka ko behatareen shuruaat dilaai. Kaptaan shreevardhane ne 34 run ki paari kheli, lekin jeet ki naayika kaushalya rahi, jinhonne 41 geind par paanch chaukon aur teen chhakkon ki madad se 56 run banaae, jisse Sri Lanka nau wicket par 244 run banaakar ab tak ki sabse badi jeet darj karne mein safal raha. ICC mahila vishwacup mein yeh pehla avsar hai, jab kisi team ne ek wicket se jeet darj ki. Sri Lanka is tournament mein sabse bada lakshya haasil karne waali team bhi ban gayi hai. Sri Lanka pichhle aath maichon mein England se jeet naheen paaya tha, isliye jab teen baar ke champion England ne 200 se adhik ka score banaaya, to Sri Lanka ke liye lakshya mushkil maana ja raha tha. England ki shuruaat achhi naheen rahi aur usane teen wicket jaldi ganva diye. Iske baad chauthe aur chhathe wicket ke liye achhi saajhedaariyon ke dam par usane vaapasi ki. Ek samay teen wicket 29 run par ganvaane ke baad eraan brindal (31) aur Heather night (38) ne chauthe wicket ke liye 100 geind mein 64 run jode. In donon ke out hone ke baad gun (52) aur Amy jons (41) ne chhathe wicket ke liye 101 geind mein 83 run ki saajhedaari ki. England ke puchhalle ballebaajon ne aakhiri 30 geind mein 59 run banaae. Cathrine brant ne paanch geind mein 12 run jode, jabki Danielle Hazel 19 run banaakar naabaad rahi.

Mahila Vishwacup Sri Lanka Ne England Ko Haraakar Kiya Ulatafer http://www.angrejinews.com/pic/822