Mahila Vishwacup Pak Ko Haraakar Saatavein Sthaan Par Raha Bhaarat

Cricket »

Mahila Vishwacup  Pak Ko Haraakar Saatavein Sthaan Par Raha Bhaarat

Cuttack: Khitaab ki daud se pehle hi baahar ho chuke Bhaarat ne kaptaan mitaali raaj ke naabaad shatak ki badaulat guruvaar ko chir-pratidvandvi Pakistan ko chhah wicket se haraakar ICC mahila vishwacup cricket mein saantvana jeet darj karke saatavaan sthaan haasil kiya. Pakistan ne toss jeetkar pehle ballebaaji ki, lekin nain abeedi (58) aur nida daar (naabaad 68) ko chhodkar usaki koi bhi ballebaaj tikkar naheen khel paai. Pakistan ne saat wicket par 192 run banaae. Bhaarat ke liye Nagrajan niranjana ne 35 run dekar teen aur jhoolan Goswami ne 17 run dekar do wicket liye. Mitaali ne iske baad naabaad 103 run ki kaptaani paari kheli, jo ek-divseeya maichon mein unka chautha shatak hai. Mitaali ki is bejod paari se Bhaarat ne shuruaati jhatakon se ubarate hue 46 over mein chaar wicket par 195 run banaakar jeet darj ki. Bhaarat group A mein England aur Sri Lanka se haarakar super six ki daud se baahar ho gaya tha aur uske liye yah match pratishtha se juda tha. Tirush kaamini aur Harmanpreet Kaur ke baad mitaali teesari bhaarateeya ballebaaj hain, jinhonne is vishwacup mein shatak lagaaya. Unhonne apni paari mein 141 geindein kheleen tatha 13 chauke aur ek chhakka lagaaya. Mitaali aur reema malhotra (25) ne paanchavein wicket ke liye 87 run ki atoot saajhedaari karke Bhaarat ko lakshya tak pahunchaaya. Mitaali ne haalaanki ek chhor sambhaale rakha aur is beech unhonne score board bhi chalaayamaan rakha. Reema ne doosare chhor se wicket girne ka kram rokakar Bhaarat ko kisi tarah ke sankat mein naheen padne diya. Pakistan ko is tarah se tournament mein chauthi haar jhelni padi. Usane league charan mein group bi ke apne sabhi match ganvaae the. Isse pehle bhaarateeya team ne Pakistan ke donon salaami ballebaajon ko 11 over ke andar hi pavilion bhej diya tha. Us samay score board par sirf 28 run tange the. Aabidi ne haalaanki iske baad morcha sanbhaalate hue bimaah maaroof (15) ke saath 32 run jode. Unhonne daar ke saath bhi 80 run ki saajhedaari ki. Aabidi ne apni paari mein 113 geind ki paari mein paanch chauke lagaae. Goswami ki geind par tiroosh kaamini ne unhein pavilion bheja. Yah saajhedaari tootane ke baad Pakistan aakhiri overon mein ranagati naheen badha saka. Bhaarat ke liye ekta bisht ne bhi ek wicket liya, lekin nau over mein usane 50 run day daale.

Mahila Vishwacup Pak Ko Haraakar Saatavein Sthaan Par Raha Bhaarat http://www.angrejinews.com/pic/1329