Mahila Vishwacup Kaur Ka Shatak Bekaar Gaya, England Se Haara Bhaarat

Cricket »

Mahila Vishwacup  Kaur Ka Shatak Bekaar Gaya, England Se Haara Bhaarat

Mumbai: Harmanpreet Kaur ki behatareen naabaad shatakeeya paari ke baavajood Bhaarat ko ICC mahila vishwacup ke group A ke match mein ravivaar ko maujooda champion England se 32 run se haar jhelni padi. Kaur ne 109 geind par aath chaukon aur do chhakkon ki madad se 107 run banaae. Vah vishwacup mein shatak jadne waali doosari bhaarateeya mahila bani. Lekin Punjab ki is 23-varsheeya khilaadi ko doosare chhor se paryaapt sahayog naheen mila aur bhaarateeya team England ke aath wicket par 272 run ke javaab mein nau wicket par 240 run hi bana paai. Kaptaan chaalaret Edwards England ki jeet ki naayika rahi. Unhonne 123 geindon par 16 chaukon ki madad se 109 run ki paari kheli. Unke alaava erain brindal ne naabaad 37 aur saara Taylor ne 35 run ka yogadaan diya. Edwards ne Taylor ke saath doosare wicket ke liye 100 run ki saajhedaari ki. Baad mein tej geindabaaj Cathrine helen brant ne bhaarateeya paari ko ladkhadaane mein aham bhoomika nibhaai. Unhonne nau over mein 29 run dekar chaar wicket liye, jabki spinner Daniel vaat ne do wicket haasil kiye. Bade lakshya ka peechha karte hue Bhaarat ki shuruaat achhi naheen rahi. Usane pichhle match mein shatak jamaane waali tirush kaamini, poonam Raut aur kaptaan mitaali raaj ke wicket aathavein over tak ganva diye. Up kaptaan Kaur aur wicket-keeper-ballebaaj karuna jain ne chauthe wicket ke liye 157 geindon par 106 run jodkar sthiti sambhaali. Jain ne 92 geindon par paanch chaukon ki madad se 56 run banaae. Unhein 55 run ke niji yog par jeevanadaan mila, lekin vah iska faayda naheen utha paai. Isse pehle, cheralot Edwards (109) ki shaanadaar paari ki badaulat England mahila cricket team ne Brabourne stadium mein ICC mahila vishwacup (50 over) mukaabale mein bhaarateeya team ke saamane 273 ranon ka lakshya rakha. Bhaarat ne toss jeetkar England ko pehle ballebaaji karne ke liye aamantrit kiya. England ne nirdhaarit 50 overon mein aath wicket ke nuksaan par 272 run banaae. English team ki shuruaat achhi naheen rahi aur usaki salaami ballebaaj Daniel vyaat chaar ranon ke kul yog par jhulan Goswami ki geind par amita sharma ko catch thama baithi. Unhonne do run banaae. Unke baad ballebaaji karne aain saaraah Taylor ne Edwards ke saath milkar shaanadaar khel dikhaaya. Donon ke beech 100 ranon ki mahatvapoorn saajhedaari hui. Sharma ne 104 ranon ke kul yog par Taylor ko run out kar diya. England ko teesara jhatka 166 ranon par Lydia greenway ke roop mein laga. Lydia (29) Goswami ki geind par poonam Raut ke haathon catch huin. Paanchavein number par ballebaaji karne aain Cathrine brant ne 21 ranon ka yogadaan diya. Vah gauhar sultaana ki geind par catch out huin. England ka paanchava wicket shatakeeya paari khelne waali Edwards ke roop mein gira. Unhein Nagrajan niranjana ne run out kar diya. Unhonne apni paari mein 123 geindon ka saamana karte hue 16 chauke jamaae. Pichhle match mein ardhashatak jamaane waali Jenny gun is match mein teen run hi bana sakeen. Gun ke baad Heather night ne do, laura marsh ne 13 ranon ka yogadaan diya. Vaheen Aaron brindale (37) aur holi kolvin (6) naabaad lauteen. Bhaarat ki or se Goswami aur niranjana ne do-do wicket chatakaae, jabki sultaana ko ek safalta mili.

Mahila Vishwacup Kaur Ka Shatak Bekaar Gaya, England Se Haara Bhaarat http://www.angrejinews.com/pic/971