Mahila Vishwacup England Ke Saamane 148 Ranon Ka Lakshya

Cricket »

Mahila Vishwacup  England Ke Saamane 148 Ranon Ka Lakshya

Mumbai: Apne ballebaajon ke lachar pradarshan ke kaaran Australia mahila cricket team ne shukravaar ko Brabourne stadium mein jaari ICC mahila vishwacup (50 over) supersix mukaabale mein England team ke saamane 148 ranon ka aasaan lakshya rakha hai. Toss haarne ke baad pehle ballebaaji karne utari Australiaee team 44.4 overon mein 147 ranon par simat gayi. Australia team ki shuruaat achhi naheen rahi aur 10 ranon ke kul yog par raachel hens (2) ke roop mein usaka pehla wicket gira. Vah enya shrubasol ki geind par unheen ko catch thama baithi. Unke baad ballebaaji karne aain jes Cameron apna khaata bhi naheen khol sakeen. Unka wicket bhi shrubasol ki jholi mein gaya. Abhi team ka kul yog 15 hi huaa tha ki chauthe number par ballebaaji karne aain Alex Blackwell bhi Cathrine brant ki geind par saaraah Taylor ko catch day baithi. Blaikavale ne chaar ranon ka yogadaan diya. Salaami ballebaaj meg lening ke roop mein chautha wicket gira. Vah 17 run banaakar shrubasol ka shikaar bani. Chhathe number par ballebaaji karne aain jodi Fields bhi teen run banaakar pavilion laut gain. Is vakt team ka kul yog 32 run tha. Ek ke baad ek paanch wicket girne ke baad lisa sthaalekar aur saara koyate ne sanbhalakar khelna shuroo kiya. Donon ke beech 82 ranon ki mahatvaparn saajhedaari hui. 32vein over mein sthaalekar 114 ranon ke kul yog par Aaron brindale ki geind par bold ho gain. Unhonne 41 ranon ka yogadaan diya. Sthaalekar ke out hone ke baad ballebaajon ka aane jaane ka silsila shuroo ho gaya. Koyate bhi 44 run banaakar holi kolvin ki geind par catch day baithi. Anya ballebaajon mein megaan shatt (2), holi faling (4) aur erin osaborn bina koi run banaae out huin. Juli hantar 16 ranon par naabaad lauteen. England ki or se shrubasol ne teen wicket chatakaae. Brant, brindale aur kolvin ko do-do safalta mili. Vaheen Jenny gun ne bhi ek ballebaaj ko pavilion ka raasta dikhaaya.

Mahila Vishwacup England Ke Saamane 148 Ranon Ka Lakshya http://www.angrejinews.com/pic/1402