Mahila Vishv Cup West Indies Ko Chhah Wicket Se Haraakar England Super Six Mein

Cricket »

Mahila Vishv Cup  West Indies Ko Chhah Wicket Se Haraakar England Super Six Mein

Mumbai: Gat champion England ICC mahila cricket vishv cup ke super six mein pahunchane waali pehli team ban gayi, jisne group (A) ke match mein aaj West Indies ko chhah wicket se haraaya. England ne West Indies ko 36.4 over mein 101 run par out kar diya. Iske baad 35 over mein chaar wicket par 103 run banaakar jeet darj ki. Uske teen maichon mein chaar ank rahe. West Indies ko ab apna bhavishya jaanane ke liye mejabaan Bhaarat aur Sri Lanka ke beech hone vaale doosare match ke nateeje ka intajaar karna hoga. England ki shuruaat dheemi rahi aur usane aasaan lakshya ka peechha karte hue bhi chhah wicket ganva diye. Salaami ballebaaj Danielle vaat ne 80 geind mein chhah chaukon ki madad se 40 run banaae. Usane eren brindal ke saath paari ki shuruaat ki, kyonki kaptaan chaalaret Edwards achha mahasoos naheen kar rahi theen. Score jab 79 run tha tab in donon ke saath saara Taylor aur Lydia greenway bhi pavilion laut gayi thi. Heather night (18) aur Jennifer gan ( chaar) ne haalaanki koi aur wicket ganvaae bina lakshya haasil kar liya. Isse pehle aaniya shrubasole aur eraan brindal ki behatareen geindabaaji ke dam par gat champion England ne West Indies ko 101 run par out kar diya. Pichhle match mein West Indies ne Sri Lanka ko 209 run se haraaya tha. Ek samay par West Indies par apne nyoonatam van-de score 41 run ke bheetar simtane ka khatra tha. Baad mein kishona night (33) aur Shane daali (naabaad 30) ke beech 114 geind mein 68 run ki saajhedaari ke kaaran ise taala ja saka. Is saajhedaari ke tootane ke baad West Indies ne aakhiri chaar wicket 12 run ke bheetar ganva diye. Eraan brindal ne 12 geind mein teen wicket liye. England ki geindabaaj Cathrine brant ne chhah run dekar do aur shrubasole ne 21 run dekar chaar wicket liye. Shrubasole ne pehle chhah over ke spell ke aath run dekar teen wicket liye. West Indies ke liye sirf khabboo ballebaaj kishona aur aathavein number ki ballebaaj Shane daali hi dohare ank tak pahunch saki. Chhah ballebaaj khaata bhi naheen khol paae. West Indies ke chhah wicket 31 run par gir chuke the. Saatavein wicket ke liye kishona aur daali ne saajhedaari ki. Sri Lanka ke khilaaf do din pehle West Indies ki jeet ki shilpkaar Taylor kharaab shot khelkar out huin. Pichhle match mein Taylor ne 171 run banaae the, jiski badaulat West Indies ne aath wicket par 368 run banaaye the. Unki salaami jodeedaar night ko brant ne paari ki doosari hi geind par out kar diya tha. Teesare number par I shemein kainpabel (do) aur joolina nero ko shrubasole ne paanchavein over mein teen geind ke bheetar pavilion bheja. West Indies ka score is samay chaar wicket par 14 run tha. Iske baad kishona aur kaptaan merisa eguileira ne 22 geind mein 13 run jode. Merisa jyaada der tik naheen saki aur unke out hone ke samay score paanch wicket par 27 run ho gaya. Aakraamak ballebaaj dotin ko brant ne pavilion bheja. Kishona ko eren brindal ne lalachaati geind par aage ki or aane par majaboor kiya aur wicket-keeper saara Taylor ne stamp out karne mein koi chook naheen ki.

Mahila Vishv Cup West Indies Ko Chhah Wicket Se Haraakar England Super Six Mein http://www.angrejinews.com/pic/1128