Mahila Kriket New Jeelaind Ne Banaaya World Record, England Ne Kuchh Ghanton Baad Toda

Cricket »

Mahila Kriket New Jeelaind Ne Banaaya World Record, England Ne Kuchh Ghanton Baad Toda

tauntan England ki mahila cricket team ne Budhvaar ko yahaan jaari trikoneeya series ke doosare mukaabale mein dakshin Africa ke khilaaf ti-20 mein ek paari mein sarvochch score banaane ka world record apne naam kiya. England ne pehle ballebaaji karte hue nirdhaarit 20 overon mein teen wicket ke nuksaan par 250 run banaae. New jeelaind ne dakshin Africa ke khilaaf khele gaye din ke pehle mukaabale mein nirdhaarit 20 overon mein 1 wicket ke nuksaan par 216 run banaakar vishv record sthaapit kiya tha, jise England ne kuchh hi ghanton baad hi tod diya. New jeelaind ke ballebaajon ne damadaar pradarshan kiya aur kaptaan sooji bets ne 124 ranon ki paari kheli. Bets ne 66 geindon ki apni paari mein 16 chauke aur teen chhakke lagaae. Bets ke alaava Sophie divaain ne 48 geindon mein 73 run banaae. Javaab mein dakshin Africa ki poori team nirdhaarit 20 over mein 6 wicket par keval 150 run hi bana saki. Doosare mukaabale mein England ne bhi aakraamak ballebaaji ki aur new jeelaind dvaara banaae gaye record ko 34 ranon ke antar se toda. Mejabaan team ki or se taimi byoomont ne 52 geindon mein 116 ranon ki dhamaakedaar paari kheli, unhonne 18 chauke aur 4 chhakke lagaae. Byoomont ke alaava deniyle vaayat ne 56 ranon ki paari kheli. Vaayat ne apni paari mein 9 chauke lagaae.

Mahila Kriket New Jeelaind Ne Banaaya World Record, England Ne Kuchh Ghanton Baad Toda http://www.angrejinews.com/pic/210659