Mahila Ke Bhesh Mein Ghoomane Wala Lutera Giraftaar

Breaking »

Mahila Ke Bhesh Mein Ghoomane Wala Lutera Giraftaar

Nai Delhi: Raashtreeya rajdhani mein mahila ke bhesh mein logon ko lootane vaale ek vyakti ko us samay giraftaar kiya gaya jab vah ek anya vyakti ko nishaana banaane ki firaak mein tha. Ek varishth police adhikaari ne shukravaar ko kaha, "Pashchim Bengal ke rahane vaale babu vyaapaari ko guruvaar raat giraftaar kiya gaya. Vah dakshini Delhi ke laajapat nagar mein ek aur vyakti ko lootane ki taiyaari kar raha tha. " Police ke mutaabik uske paas se ek kapde ke vyavasaayi se looti gayi sone ki ek chen baraamad ki gayi. Vyavasaayi ki shikaayat ke baad is aparaadhi ki dhadpakad shuroo ki gayi thi. Police ke mutaabik is aparaadhi ke baal lambe hain aur yeh mahilaaon ki tarah poshaak pahanakar sadak kinaare 'Shikaar' ka intajaar kiya karta tha. Vah vaahan chaalakon se lift maangata tha. Agar koi vaahan chaalak use gaadi mein bitha leta tha to vah usaka keemati saamaan lootakar faraar ho jaata tha. Police adhikaari ne kaha, "Is dhandhe mein kai aur log shaamil ho sakte hain. Ham iski chhaanabeen kar rahe hain. "

Mahila Ke Bhesh Mein Ghoomane Wala Lutera Giraftaar http://www.angrejinews.com/pic/1448