Mahendra Singh Dhoni Ne Jeet Ka Shreya Death Overon Mein Mohit Sharma Ki Geindabaaji Ko Diya

Breaking »

Mahendra Singh Dhoni Ne Jeet Ka Shreya Death Overon Mein Mohit Sharma Ki Geindabaaji Ko Diya

Dubai: chennai Superkings ke kaptaan Mahendra Singh Dhoni Mumbai Indians ke khilaaf IPL match mein mili jeet ka shreya death overon ki 'Behatareen geindabaaji' tatha braindan McCollum aur dven smith ki salaami jodi ko diya. Dhoni ne apni team ki saat wicket se jeet ke baad kaha, death overon ki hamaari geindabaaji behatareen thi. Beech ke overon mein unhonne saajhedaari ki, jiska matlab tha ki ham thoda dabaav mein the aur aise mein geindabaajon ko badi jimmedaari nibhaani thi, jismein ve safal rahe. Pichhle match mein hamein pata laga ki dheemi geind ko yadi aap sahi kshetr mein karo to ve kaaragar saabit ho rahi hain aur mohit ne yahi kiya. Mumbai ki team pehle ballebaaji karte hue saat wicket par 141 run hi bana pai. Mohit sharma ne 14 run dekar chaar wicket liye. Inmein se teen wicket unhonne 19vein over chatakaae. Iske baad chennai ne McCollum ke naabaad 71 run ki badaulat 19 over mein lakshya haasil kar liya. Dhoni ne kaha, hamein pata naheen tha ki doosari paari mein wicket ka mijaaj kaisa rahega. Lekin yadi dven smith haavi hokar khel raha to McCollum unka saath nibha raha tha. Iske baad McCollum ke haavi hone par smith unka saath deta. Un donon ne ek-doosare ka achha saath diya. Iske baad hamaare paas raina, duplesis the. Hamaare paas achhi shuruaat ka faayda uthaane ke liye paryaapt saadhan the.

Mahendra Singh Dhoni Ne Jeet Ka Shreya Death Overon Mein Mohit Sharma Ki Geindabaaji Ko Diya http://www.angrejinews.com/pic/48664