Mahendra Singh Dhoni Ne Haar Ke Liye Spinron Ko Jimmedaar Thaharaaya

Breaking »

Mahendra Singh Dhoni Ne Haar Ke Liye Spinron Ko Jimmedaar Thaharaaya

Cuttack: chennai ke kaptaan Mahendra Singh Dhoni ne IPL match mein kings eleven Punjab ke haathon 44 run ki haar ka theekara apne spin geindabaajon ke sir foda. kings eleven ki team antim 10 over mein 162 run jodne mein safal rahi. Is dauraan Superkings ke spinner Ravindra jadeja aur Ravichandran Ashwin ne teen aur do over mein kramash: 37 aur 38 run lutaae. Punjab ki or glen Maxwell ne sirf 38 geind mein aath chhakkon aur chhah chaukon ki madad se 90 run ki paari kheli aur David Miller (47) ke saath teesare wicket ke liye 135 run jode. Dhoni ne match ke baad kaha, Maxwell ne bejod ballebaaji ki aur anya ballebaajon ne unka achha saath nibhaaya. Ham us samay match haar gaye jab hamaare spinner geindabaaji ke liye aae aur unhonne un par kaafi run batore. Dhoni ne kaha, pehle 10 over mein ve sirf 70 run bana paae the jabki agale 10 mein Maxwell unhein 40 over ke baraabar ke score tak le gaya. Maxwell ke rivers slog par Dhoni ne kaha, aap aisa kar sakte hain, lekin aisa karne ke liye aapke andar behatareen pratibha honi chaahiye. Vah Sehwag ya Tendulkar ki tarah baaki logon se alag hai. Vah apni sarvashreshth ballebaaji kar raha hai. Doosari taraf kings eleven ke kaptaan George belly ne Maxwell aur Miller ki jamkar taareef ki. unhonne kaha, aaj humne jo yahaan dekha vah bhavishya hai. Maiksi aur devi ne jo shot khele aur anya yuva khilaadiyon ke shot bhi. Unhonne laya mein laane ke liye samay liya aur fir shaanadaar shot khele. Belly ne bhi sirf 13 geind mein naabaad 40 run banaae. Unhonne apni paari ke baare mein kaha, aaj main thoda bhaagyashaali raha. Bada maidaan dekhkar achha laga. Mujhe lagta hai ki ham lakshya ka behtar tareeke se bachaav kar sakte the.

Mahendra Singh Dhoni Ne Haar Ke Liye Spinron Ko Jimmedaar Thaharaaya http://www.angrejinews.com/pic/49949