Mahendra Singh Dhoni Ne Fielderon Aur Geindabaajon Ko Diya Jeet Ka Shreya

Cricket »

Mahendra Singh Dhoni Ne Fielderon Aur Geindabaajon Ko Diya Jeet Ka Shreya

Nai Delhi: Pakistan ke khilaaf cleansweep bachaakar raahat mahasoos kar rahe bhaarateeya kaptaan Mahendra Singh Dhoni ne lagaataar teesare match mein ballebaajon ke flop sho ke baavajood 10 run ki jeet ka shreya poori team ko diya. Bhaarateeya ballebaaj shrunkhala mein lagaataar doosari baar vifal rahe, jisse team India pehle ballebaaji karte hue 43-4 over mein sirf 167 run par dher ho gayi, lekin geindabaajon ne team ko vaapasi dilaate hue Pakistan ko 48-5 over mein 157 run par sametakar mejabaan team ko shrunkhala ki pehli jeet dilaai. Pakistan haalaanki shrunkhala 2-1 se apne naam karne mein safal raha. Dhoni ne Pakistan par 10 run ki jeet darj karne ke baad kaha, kul milaakar yeh match achha raha. Pehle do maichon mein haar ke kaaran is match mein jeet se kaafi adhik khushi hogi. Jeet ki khushi hamesha achhi hoti hai. Yeh poori team ke prayaas se mili, lekin yeh durbhaagyapoorn raha ki ham shrunkhala pehle hi haar chuke the. Is chhote score ki raksha mein geindabaajon ke alaava bhaarateeya kshetrarakshakon ki bhoomika kaafi aham rahi, jinki taareefon ke pul baandhate hue Dhoni ne kaha, tej geindabaajon ne hamein achhi shuruaati dilaai. Bhuvaneshvar ne do wicket liye, jiske baad baaki do tej geindabaajon ne achha pradarshan kiya. Spinron ne iske baad dabaae banaae rakha jo lagaataar badhta raha, lekin is match mein aham bhoomika kshetrarakshakon ki rahi. Humne apne kshetrarakshan se 20 se 22 run bachaae, jo kam score vaale match mein aham hote hain. Humne ek catch chhoda, lekin aisa ho jaata hai. Bhaarat ne kharaab form se joojh rahe salaami ballebaaj Virendra Sehwag ki jagah ajinkya rahaane ko utaara, lekin team ek baar fir achhi shuruaat haasil karne mein vifal rahi. Dhoni ne haalaanki ballebaajon ka bachaav kiya. Dhoni ne kaha, main ballebaajon ke bachaav mein sirf itna bol sakta hoon ki aaj humne itne run banaae, jitne jaroori the. Hamein isse adhik score banaana chaahiye tha. Shuruaat mein wicket ganvaane ke baad humne beech ke overon mein bhi kaafi wicket ganvaae. Ham 220. . 225 run bana sakte the. Unhonne kaha, hamaari team salaami ballebaajon par kaafi nirbhar karti hai, isliye achhi shuruaat kaafi jaroori hai. Haalaanki jis mausam mein match ho rahe hain usamein tej geindabaajon ko madad milti hai aur Pakistan ka geindabaaji aakraman kaafi achha hai. Bhaarateeya kaptaan se jab yeh poochha gaya ki kya 167 run ka score kaafi tha to unhonne kaha, hamein pata tha ki 168 ke aaspaas run kaafi naheen hone vaale. Humne faisala kiya ki ham scoreboard ki taraf naheen dekheinge, jisse madad mili. Geindabaajon ne kaafi anushaasit geindabaaji ki. Aise samay mein tej geindabaaj kaafi prayog karne ki koshish karte hain aur short geind feinkate hain, lekin is match mein unhonne ek jagah par geindabaaji ki. Sehwag ko is match mein naheen khilaane par Dhoni ne kaha ki yeh badlaav antim lamhon par kiya gaya. Unhonne kaha, antim ekaadash mein yeh badlaav antim lamhon mein kiya gaya. Kabhi-kabhi kuchh cheejein aapke haath mein naheen hoti. Dhoni ne England ke khilaaf paanch maichon ki ekadivseeya shrunkhala se poorv is match mein mili jeet ko aham bataaya. Unhonne kaha, is tarah ki jeet kaafi aham hoti hai. Isse laya banaane mein madad milti hai. Jab log aapko nakaar dete hain tab is tarah ki jeet se prerana milti hai. Team ke achhe pradarshan mein poori team ke prayaas ko aham bataate hue Dhoni ne kaha, main kisi se yeh ummeed naheen kar raha hai ki vah 100 ya 150 run ya bada shatak banaakar team ko jeet dilaae. Main chaahata hoon ki yogadaan diya jaae. Khilaadi 45 ke aaspaas run ka yogadaan dein aur 80 se 90 run ki saajhedaari karein to bhi achha rahega. Yuvraj Singh ki jagah geindabaaji mein Ravindra jadeja ko mauka diye jaane ke faisale ka bachaav karte hue Dhoni ne kaha, paanch kshetrarakshakon ko 30 gaj ke ghere mein rakhane ke nae niyam se hamein kuchh saamanjasya bithaane pad rahe hain. Yuvi ko in niyamon ka aadi hone mein samay lagega aur ham use samay dena chaahate hain, kyonki aapko mid-wicket ya deep mid-wicket oopar rakhakar geindabaaji karni hoti hai aur yeh aasaan naheen hota. Jadeja ko ballebaaji mein Ravichandran Ashwin se neeche bheja gaya aur is par bhaarateeya kaptaan ne kaha, agar Ashwin aur mere beech achhi saajhedaari ho jaati to jadeja antim overon mein teji se run bator sakta tha, jabki Ashwin ke liye slog karna aasaan naheen hota, isi ko dhyaan mein rakhate hue humne yeh faisala kiya tha. Bhaarat aur Pakistan ke beech aur adhik dwipaksheeya shrunkhalaaon ke mudde par javaab dene se bachate hue Dhoni ne kaha, Pakistan ke khilaaf match kaheen bhi ho yeh vishesh hota hai. Pichhle dedh saal mein donon teemon ke beech hue mukaabalon mein kaafi naram rukh dekhne ko mila hai. Maidaan par kabhi-kabhaar hi koi ghatna hoti hai. Pakistan ke khilaaf match haalaanki BCCI par nirbhar karte hain. Ham to sainik hain, BCCI hamein jahaan bhejega ham vahaan chale jaaenge. Bhaarateeya kaptaan ne haalaanki ek baar fir team mein saksham all-rounder ki jaroorat par jor diya. Dhoni ne kaha, niyamon mein badlaav ke kaaran hamein ek achhe all-rounder ki jaroorat hai, jo geindabaaji aur ballebaaji donon kar sake. Irfan pathaan ke alaava hamaare paas koi vaastavik all-rounder naheen hai. Bhuvaneshvar ne achhi geindabaaji ki, lekin use all-rounder banane ke liye ballebaaji mein bhi yogadaan dena hoga. Use apne khel ke is paksh mein sudhaar karna hoga. Unhonne kaha, vah praveen Kumar ki tarah ka geindabaaj hai. Jab praveen aaya tha to 135 kimi prati ghanta ki raftaar se geindabeeji karta tha aur shaayad bhuvaneshvar ki raftaar bhi itni hai, lekin vah kaafi samajhdaar geindabaaj hai. Kul milaakar usamein abhi sudhaar ki gunjaaish hai.

Mahendra Singh Dhoni Ne Fielderon Aur Geindabaajon Ko Diya Jeet Ka Shreya http://www.angrejinews.com/pic/32